Elimizdiń alty oblysynda aýa raıyna baılanysty eskertý jarııalandy
2022 jylǵy 28 qańtar 20:19

Elimizdiń alty oblysynda aýa raıyna baılanysty eskertý jarııalandy

NUR-SULTAN. QazAqparat - Elimizdiń alty oblysynda daýyldy eskertý jarııalandy, dep habarlaıdy QazAqparat «Qazgıdromet» RMK-ge silteme jasap.

29 qańtarda túnde Qyzylorda oblysynyń basym bóliginde jaýyn-shashyn (jańbyr, qar) kútiledi. Oblys ortalyǵy men shyǵysynda – kóktaıǵaq, burqasyn, oblystyń soltústiginde – tuman. Soltústik-shyǵystan soǵatyn jel ońtústik-batysqa aýysady, oblys ortalyǵynda jáne shyǵysynda 15-20 m/s. Qyzylordada 29 qańtarda kóktaıǵaq, burqasyn kútiledi. Jel soltústik-shyǵystan ońtústik-batysqa aýysady, kúndiz jeldiń ekpini 15-20 m/s.

Batys Qazaqstan oblysynyń soltústik-batysynda tuman kútiledi. Oralda túnde jáne tańerteń tuman kútiledi. 29 qańtarda túnde Mańǵystaý oblysynyń batysy men soltústiginde kóktaıǵaq kútiledi. Oblystyń shyǵysynda tuman kútiledi. 29 qańtarda túnde Aqtaýda kóktaıǵaq kútiledi. 29 qańtarda ońtústikte, Qaraǵandy oblysynyń ortalyǵynda baıaý burqasyn, kóktaıǵaq kútiledi. Ońtústik-shyǵystan soǵatyn jel ońtústik-batysqa aýysady, ońtústikte, oblys ortalyǵynda ekpini 15-20 m/s.

Jezqazǵanda 29 qańtarda kúndiz burqasyn, kóktaıǵaq kútiledi. 29 qańtar kúni túnde jáne tańerteń Túrkistan oblysynyń taýly jáne taý bókterindegi aýdandarynda qatty jaýyn-shashyn (jańbyr, qar) kútiledi. Oblystyń ońtústiginde jáne taýly, taý bókterindegi aýdandarda - tuman, kúndiz-kóktaıǵaq. Oblystyń batysy men ońtústiginde jáne taý bókterindegi aýdandarda ońtústik-batystan soqqan jel 17-22 m/s, taýly aýdandarda jáne oblystyń soltústiginde 25 m/s, taýly asýlarda 30 m/s bolady dep kútilýde.

Shymkentte 29 qańtarda túnde jáne tańerteń qatty jaýyn-shashyn (jańbyr, qar) kútiledi. Ońtústik-batystan jel soǵady, ekpini 17-22 m/s, Túrkistan oblysynda 29 qańtarda ońtústik-batystan jel soǵady, ekpini 17-22 m/s jetedi, 29 qańtarda Jambyl oblysynyń ońtústik-batysynda 15-20 m/s, ekpini 23-28 m/s, tańerteń jáne kúndiz 30 m/s jel soǵady.


Jańalyqtar

MURAǴAT