Elimizdiń 35 qalasynda polıgondardy qadaǵalaý úshin ǵaryshtan túsirilim jasalady
2021 jylǵy 6 jeltoqsan 18:39

Elimizdiń 35 qalasynda polıgondardy qadaǵalaý úshin ǵaryshtan túsirilim jasalady

NUR-SULTAN. QazAqparat – Polıgondardy qadaǵalaý úshin elimizde 35 qalada ǵaryshtyq túsirilim júzege asyrylady. Bul týraly QR Tsıfrlyq damý, qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Oralmaǵambetov málim etti, dep habarlaıdy QazAqparat tilshisi.

«Paıdalanýǵa ruqsat etilgen jáne tyıym salynǵan polıgondardy qadaǵalaý úshin elimiz boıynsha 35 qalada ǵaryshtyq túsirilim júzege asyrylady. Kadastrlyq derekterdiń negizinde qaldyqtardy jınaýǵa arnalǵan lıtsenzııasy bar polıgondar aıqyndalady. ıAǵnı qoqys jáne qaldyqtardy tyıym salynǵan jerge qaldyrý protsesin ǵaryshtyq monıtorıng arqyly anyqtaımyz. Bizdegi bar derekterdi Ekologııalyq retteý jáne baqylaý komıteti men óńirlerdegi jergilikti atqarýshy organdar onlaın rejımde alady», - dedi Baýbek Oralmaǵambetov Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, bıyl elimiz boıynsha 25 mln gektar jerge ǵaryshtan monıtorıng júrgizildi.

«Jyl sanap elimizde ǵaryshtyq monıtorıng júrgiziletin aýmaq keńeıip keledi. 2018 jyly ǵaryshtyq monıtorıng arqyly baqylanatyn jerdiń jalpy aýdany 16,8 mln gektardy qurasa, bıyl ol kórsetkish 25 mln gektarǵa jetip otyr. Negizinen ǵaryshtyq monıtorıng respýblıkalyq mańyzy bar qalalar, oblys ortalyqtary jáne erekshe qorǵalatyn memlekettik tabıǵı aýmaqtardy qamtıdy», - deıdi ol.

Sondaı-aq komıtet basshysy elimizde zańsyz tastalǵan qoqys oryndarynyń azaıyp kele jatqanyn tilge tıek etti.

«Sońǵy 2 jyl kóleminde Qazaqstanda beıbereket qoqys polıgondarynyń sany azaıyp keledi. Bul polıgondar shetinen joıylyp jatyr degen sóz. 2018 jáne 2019 jyldary úıilgen qoqys oryndarynyń az ǵana bóligi joıyldy. Al ótken jyldan bastap Memleket basshysynyń tapsyrmasynan keıin ákimdikter men quzyrly mekemeler qoqys oryndarynyń kóbisin joıdy deýge bolady. Jalpy ǵaryshtyq monıtorıng nátıjesi stıhııalyq qoqystardyń azaıýy men olardy kádege jaratýdyń ulǵaıýyp kele jatqanyn kórsetip otyr», - dedi Baýbek Oralmaǵambetov.


Jańalyqtar

MURAǴAT