+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Elimizdegi taý týrızimin damytýda qandaı jumystar atqarylýda

2021 jylǵy 15 shilde 16:40
Bólisińiz:
Elimizdegi taý týrızimin damytýda qandaı jumystar atqarylýda

ALMATY. QazAqparat - Taýdaǵy jazataıym oqıǵalardyń qaýpin azaıtý úshin Almatyda 2019 jyldan bastap taý týrısteri arasynda tanymal jerlerge marshrýttyq avtobýstar iske qosylyp, vızıt-ortalyqtar qurylyp, jaıaý soqpaqtar abattandyryldy. Bul týraly Óńirlik kommýnıkatsııalar qyzmetinde ótken brıfıngte Almaty qalasy Týrızm basqarmasy basshysynyń orynbasary Márlen Maralov málim etti, dep habarlaıdy QazAqparat tilshisi.

Uqsas jańalyqtar
Almaty ákimi Eýropalyq Odaqtyń ókilimen kezdesti Almatyda joq páterlerdi «jalǵa berýmen» aınalysqan eki alaıaq áıel ustaldy Almatynyń «tsıfrlyq egizin» qurý máselesi talqylandy

Onlaın brıfıng barysynda, Márlen Maralov avtobýstar júretin turaqty taý baǵyttaryn atap ótti.

«Almaty aglomeratsııasynyń taýly kýrorttarynda týrısterdiń kóbeıýin eskere otyryp, Almaty qalasynyń ákimdigi 2019 jyldyń naýryz aıynan bastap sport saraıynan №209, №210, №211 baǵyttar boıynsha GAZ markaly 9 avtobýsty iske qosty. Balýan Sholaq «Ski Park Pioneer» men «Oı-Qaraǵaı – Lesnaıa skazka» taý kýrorttaryna deıin, sondaı-aq «Almaarasan» shatqalyna deıin barady», –dedi Týrızm basqarmasy basshysynyń orynbasary.

2021 jyldyń naýryz aıynan bastap Ortalyq stadıonnan bıik taýly «Aq bulaq» kýrortyna deıingi №224 baǵdar boıynsha taǵy úsh avtobýs iske qosyldy. Bul baǵyttar qazirdiń ózinde 80 myńnan astam adamǵa qyzmet kórsetti.

Sondaı-aq spıker taý joldaryn abattandyrý men tórt kempıng aımaǵyn qurý týraly aıtty.

«Taýly jerlerdegi týrıstik ınfraqurylymdy jaqsartý maqsatynda 1000 shaqyrymnan astam jaıaý júrý marshrýttary tsıfrlandyryldy, olardyń 500 shaqyrymy abattandyryldy. Barlyq tsıfrlanǵan baǵyttar 2GIS jáne ViewRanger platformalarynda qoljetimdi», – dedi ol.

Osy baǵyttar boıynda aqparattyq stendter, kórsetkishter, aqparattyq qalqandar, aqparattyq baǵanalar, oryndyq pen kúrkeler ornatyldy. Barlyq navıgatsııalyq stendterde QR-kodtar bar, onda týrıster marshrýttyń kúrdeligimen ári uzaqtyǵymen jáne ótý ýaqytymen tanysa alady.

Sonymen qatar, bıyl Úlken jáne Kishi Almaty shatqalynda jalpy uzyndyǵy shamamen 172 shaqyrym bolatyn taý marshrýttaryn abattandyrý josparda.

Týrızm basqarmasy basshysynyń orynbasary bıyl úlken Almaty kóliniń mańynda jalpy aýdany 950 sharshy metr jáne 800 sharshy metr vızıt-ortalyq pen glempıngtiń qurylysy bastalatynyn málim etti.

«Vızıt-ortalyqta sanıtarlyq-gıgıenalyq torap, tamaqtaný pýnkti, jazǵy terrasasy men tegin Wi-Fi bar týrıstik aqparattyq ortalyq bolady. Onda árbir adam týrıstik baǵyttar, soqpaqtar týraly aqparattyq qyzmetterdi, ulttyq park aýmaǵyndaǵy nysandardyń baılanys derekterin, sondaı-aq barlyq qajetti jaılylyqtary bar glempıngterdi ala alady», – dedi spıker.

Budan basqa, 2022 jyly Qazaq Ayul aýmaǵynda «Medeý Park Otel» qonaq úı kesheniniń logıkalyq jalǵasy bolatyn glempıng-otel salý kózdelgen. Ol 15 úıden turady.

Ótken jyly jeke qarajat esebinen «Aıýsaı» shatqalynda, «Gorelnık» jylý kózinen joǵary, «Medeý» bazalyq ortalyǵy men «Shymbulaqtyń» eń bıik núktesinde tórt vızıt-ortalyq salyndy.

Sapar ortalyqtarynda kelýshiler marshrýt kartalaryn alady jáne jolǵa shyqpas buryn qajetti jabdyqty satyp alady. Eń bastysy, týrıster ózderi týraly jáne tańdalǵan baǵyt týraly barlyq aqparatty qaldyrady.

Bul taýda adasyp keti qaýpin azaıtady jáne qutqarýshylardyń jumysyn jeńildetedi.

Aıta ketsek, sońǵy eki jylda TJD qyzmetkerleri 178 adamdy qutqardy.


Bizdiń kanalymyzǵa jazylyńyz:

#Almaty   #Týrızm  
Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT