+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Elimizdegi kópbalaly analar 93,9 mlrd teńgege járdemaqy aldy

2020 jylǵy 15 maýsym 09:48
Bólisińiz:
Elimizdegi kópbalaly analar 93,9 mlrd teńgege járdemaqy aldy

NUR-SULTAN. QazAqparat – Kópbalaly analar jyl basynan beri 93,9 mlrd teńgege járdemaqy aldy. Bul týraly Eńbek jáne halyqty áleýmettik qorǵaý mınıstrliginen málim etti, dep habarlaıdy QazAqparat.

Uqsas jańalyqtar

«2020 jylǵy qańtar-mamyr aralyǵynda orta eseppen 387,2 myń otbasy 93,9 mlrd teńgege kópbalaly otbasylarǵa arnalǵan memlekettik járdemaqymen qamtyldy. Mamyr aıynda járdemaqynyń bul túrin 396,5 myń otbasy jalpy somasy 20,4 mlrd teńgege aldy», - delingen mınıstrlik habarlamasynda.

Atalǵan memlekettik járdemaqyǵa tabysyna qaramastan 4 jáne odan kóp birge turatyn kámeletke tolmaǵan nemese kúndizgi bólimde oqıtyn 23 jasqa deıingi stýdent balalary bar kópbalaly otbasylar úmitker bola alady. Tólem mólsheri 44 532 myń teńgeden (4 bala) 77 951 myń teńgege deıin (7 bala) quraıdy, 8 jáne odan da kóp balasy bar otbasylar úshin ár bala úshin saralanǵan túrde 4 AEK mólsherinde bolady. Osylaısha, búgingi tańda tıisti járdemaqynyń ulǵaıýy 8 jáne odan da kóp balalary bar otbasylar úshin jeke mólsherdi belgileý arqyly qamtamasyz etiledi. Tıisti zańǵa Memleket basshysy osy jyldyń 13 mamyrynda qol qoıdy.

«8 balasy bar otbasy úshin járdemaqy 88 896 teńgeni quraıdy, 9 balaǵa – 100 008 teńge, 10 – 111 120 teńge, 11 - 122 232 teńge, 12 – 133 344 teńge, 13 – 144 456 teńge, 14 – 155 568 teńge, 15 - 166 680 teńge, 16 – 177 792 teńge tólenedi», - dep atalyp ótken vedomstvo málimetinde.

Jalpy, Zań 2020 jylǵy 1 qańtardan bastap kúshine endi, osyǵan baılanysty kópbalaly otbasylarǵa beriletin járdemaqy mólsheri ol taǵaıyndalǵan kezden bastap qaıta esepteledi. Osylaısha, tólenbegen soma aǵymdaǵy jyldyń shilde aıynda aýdarylady.

Atap aıtqanda, 2020 jyly kópbalaly otbasylarǵa memlekettik járdemaqy tóleýge respýblıkalyq bıýdjetten 191,1 mlrd teńge qarastyrylǵan.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT