Elimizdegi iri munaı operatorlary birlesken jol kartasyn bekitti
2021 jylǵy 23 qarasha 10:00

Elimizdegi iri munaı operatorlary birlesken jol kartasyn bekitti

NUR-SULTAN. QazAqparat – Qazaqstanda iri munaı operatorlary birlesken jol kartasy bekitti. Bul týraly QR Indýstrııa jáne ınfraqurylymdyq damý mınıstri Beıbit Atamqulov Úkimet otyrysynda málim etti, dep habarlaıdy QazAqparat tilshisi.

«Іri munaı operatorlary (TShO, KPO, NCOC) birlesken jol kartasyn bekitti. Ol jerde ulttyq standarttardy beıimdeý máselesi, tenderlik rásimderge qazaqstandyq óndirýshilerdi qoldaý mehanızmderiniń iri operatorlaryn engizý qarastyrylǵan. Sonymen qatar 2025 jylǵa deıin jergilikti qamtýdy ulǵaıtý jáne munaı-gaz jabdyqtarynyń 5 óndirisin oqshaýlaý sharasy qolǵa alynady», - dedi Beıbit Atamqulov.

Mınıstrdiń aıtýynsha, elimizge ımporttalatyn 1 myńnan astam taýarǵa taldaý jasaldy.

«Búginde munaı-gaz mashınasyn jasaýdy damytýdyń halyqaralyq ortalyǵynyń jumysy bastaldy. Atalǵan ortalyq iri operatorlarmen (TShO, KPO, NCOC) birlesip, tehnologııalardy oqshaýlaýǵa jáne transfertteýge kiristi. Elimizge ımporttalatyn 1 200-den astam taýarǵa taldaý júrgizildi. Oqshaýlaý úshin 3 taýar toby irikteldi (tıek armatýrasy, elektr tehnıkalyq jabdyqtar jáne baqylaý-ólsheý aspaptary jáne avtomatıka). Sondaı-aq, ortalyqqa jyl sońyna deıin ınvestıtsııalyq jobalar men óndiristerdi oqshaýlar boıynsha usynystar jasaý men otandyq óndirýshilerdiń qyzmetindegi kedergilerdi anyqtaý mindetteldi», - deıdi ol.


Jańalyqtar

MURAǴAT