+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Elimizdegi eń jas mektep dırektory «100 jańa esim» qatarynan kórindi

2019 jylǵy 25 jeltoqsan 12:36
Bólisińiz:
Elimizdegi eń jas mektep dırektory «100 jańa esim» qatarynan kórindi

NUR-SULTAN. QazAqparat – Elordada «Qazaqstannyń 100 jańa esimi» jobasynyń úshinshi kezeńi ótip jatyr, dep habarlaıdy QazAqparat tilshisi.

«Qazaqstannyń 100 jańa esimi» jobasyna oraı uıymdastyrylǵan saltanatty jıynda jeńimpazdardyń biri - elordadaǵy 54-shi mekteptiń dırektory Shákárim Seısembaı sóz bastady.

Ol - elimizdegi eń jas mektep dırektory.

«Bizdiń mektebimizde 213 qyzmetker, 2700 oqýshy bar. Ustazdyq qyzmettegi maqsatym – memleketimizdiń bilim salasyn brendke aınaldyryp, mártebesin arttyrý. Qazirgi tańda ókinishke qaraı, jastardyń ishinde, bilimdi azamattardyń arasynda mektepke baryp, ustaz bolyp bilim berý – úrdiske aınalmaǵan. Al bizdiń negizgi baılyǵymyz – jer astyndaǵy altyn emes, halqymyzdyń ushan-teńiz bilimi. Sol sebepten, bizge myqty ustazdar kerek. Sebebi, hannyń da, qaranyń da ómirlik ustazdary bolǵan», - dedi ol.

Shákárim Seısembaı Maǵjan Jumabaevtyń «Alty alashtyń basy qosylsa – tórdegi oryn ustazdiki» degen sózin eske saldy.

«Bizdiń mektepterge belgili bir balans kerek. ıAǵnı, er muǵalimderdiń sanyn arttyrý kerek. Mektep – otbasy sekildi. Januıada ákeden, anadan tárbıe kórgen bala jaman bolmaıdy. Sondyqtan, er azamattardy mektepke qyzmetke shaqyramyn. Osy biregeı joba aıasynda jastarǵa oı salyp, ustazdyq mártebesin arttyramyn degen úmitim bar», - dedi ol.

Aıta ketsek, «Qazaqstannyń jańa esimderi» jobasynyń maqsaty - táýelsizdik jyldary Qazaqstannyń damýyna eleýli úles qosqan adamdardyń tarıhy mysalynda tabystylyq, básekege qabilettilik, pragmatızm jáne bilimge tabyný ıdeıalaryn ilgeriletý. Bıyl jobaǵa qatysý úshin 1673 anketa qabyldanǵan. Jalpy, barlyq qatysýshyǵa 700 myńnan asa daýys berilgen. Barlyq kezeńniń qorytyndysy boıynsha bıyl 32 jeńimpaz anyqtaldy.

Bizdiń kanalymyzǵa jazylyńyz:

Basty sózder: Bilim, Qoǵam, 100 jańa esim,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT