Elimizdegi eń úzdik medbıke anyqtaldy
2022 jylǵy 23 qańtar 01:09

Elimizdegi eń úzdik medbıke anyqtaldy

ALMATY. QazAqparat - Almaty Perınatologııa jáne balalar kardıohırýrgııasy ortalyǵynyń qyzmetkeri Marjan Atageldıeva 2021 jyldyń eń úzdik medbıkesi bolyp tanyldy, dep habarlaıdy QazAqparat tilshisi ortalyqtyń baspasóz qyzmetine silteme jasap.

Respýblıkalyq baıqaýdyń júldegeri - Marjan Atageldıeva Talǵar joǵary medıtsınalyq kolledjin jáne Kaspıı qoǵamdyq ýnıversıtetin medbıke mamandyǵy boıynsha támamdaǵan.

Medıtsına salasynda 19 jyldyq tájirıbesi bar almatylyq medbıke Marjannyń Perınatologııa jáne balalar kardıohırýrgııasy ortalyǵynda jumys istep jatqanyna bıyl 10 jyl.

«Respýblıkalyq baıqaý eldegi epıdemıologııalyq jaǵdaıǵa baılanysty onlaın rejıminde ótti. Men jeńiske áriptesterimniń úlken qoldaýynyń arqasynda jettim.Ujymym maǵan kóp kómektesti. Olar meni moraldyq jaǵynan qoldady, mundaı qoldaýdyń bereri kóp», – deıdi Marjan.

Medbıkeniń aıtýynsha, bul baıqaý medıtsına salasynda onyń ári qaraı damýyna túrtki boldy.

Avtor:
Tilshi

Jańalyqtar

MURAǴAT