Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 375.95 EUR 425.80
RUB 5.74 CNY 55.94
Jańalyqtar

Elimizdegi damý kórsetkishi joǵary óńirler belgili boldy

2018 jylǵy 16 qazan 10:35 213
Bólisińiz:
Elimizdegi damý kórsetkishi joǵary óńirler belgili boldy

ASTANA. QazAqparat - QR Ulttyq ekonomıka mınıstri Tımýr Súleımenov osy jyldyń qańtar-qyrkúıek aılarynda áleýmettik-ekonomıkalyq damý kórsetkishi boıynsha úzdik nátıjege qol jetkizgen óńirlerdi atady, dep habarlaıdy QazAqparat tilshisi.

«Óńirlik bóliniste ónerkásiptiń qarqyndy ósýin Atyraý oblysy (11,9%), Qostanaı oblysy (9,5%) jáne Shyǵys Qazaqstan oblysy (9,2%) kórsetip otyr», - deıdi Tımýr Súleımenov.

Mınıstrdiń aıtýynsha, 3 óńirde tómendeý baıqalady. Bul Qyzylorda (-6,5%), Batys Qazaqstan (-3,7%) jáne Túrkistan (-3,0%) oblystary.

«Bul óńirlerde munaı, gaz kondensatyn jáne ýran kenin óndirý  kólemi qysqardy. Aýyl sharýashylyǵy boıynsha oń úrdis 12 óńirde saqtalýda. Sonymen birge, Batys Qazaqstan oblysy teris aımaqta qalyp barady. Astyq ónimderin jınaýdyń azaıýynyń esebinen tómendeý deńgeıi -4,5 paıyzǵa deıin bolyp otyr», - deıdi ol.

Tımýr Súleımenovtyń aıtýynsha, jalpy qurylys jumystarynyń ósýine qaramastan, 3 aımaqta tómen kórsetkishter anyqtaldy. Mundaı kórsetkishter Aqmola oblysynda (-18,5 paıyzǵa), Astana qalasynda (-13,3 paıyzǵa) jáne Qyzylorda oblysynda (-5,9 paıyzǵa) tirkelip otyr.

«Bul rette Shymkent qalasyndaǵy jaǵdaı aıtarlyqtaı jaqsardy. Qurylys jumystary 1,9 esege ósti», - dedi mınıstr.

Sonymen qatar, negizgi kapıtalǵa salynǵan ınvestıtsııalar boıynsha Túrkistan oblysynan (-9,2 paıyz) basqa barlyq óńirler ósimdi kórsetip otyr. Atalǵan óńirdegi tómendeý Azııalyq gaz qubyry qurylysynyń jáne Shardara sý elektr stantsııasyn jańǵyrtýdyń aıaqtalýyna baılanysty bolǵan. Eń úlken ósim Shymkent qalasynda (175,8 paıyz) jáne Atyraý oblysynda (35,6 paıyz) baıqalady.

Aıta keteıik, osy Úkimet otyrysynda mınıstr qazaqstandyqtardyń jalaqysy týraly aıtty.

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
MURAǴAT