Elimizdegi balyqtyń 100-den astam túrin saqtap, kóbeıtýimiz kerek – Ashat Qaınarbekov

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy Ashat Qaınarbekov balyq sharýashylyǵy qyzmetkerlerin kásibı merekesimen quttyqtady, dep habarlaıdy QazAqparat.
«Búgin – elimizdegi balyq sharýashylyǵy qyzmetkerleriniń kásibı merekesi. Balyq aýlaý – bizdiń halqymyz úshin tańsyq kásip emes. Adamzat tarıhyndaǵy eń kóne mamandyqtardyń biri bolsa da, bul sala óz mánin áli de joǵaltpady. Elimizde bul kásipti atadan mura etip saqtap qalǵan balyqshylar da jeterlik. Olardyń atqaryp jatqan eńbegi zor jáne erekshe qurmetke ıe», - dedi A. Qaınarbekov.
Sonymen birge, balyq sharýashylyǵy – eldiń eksporttyq áleýetin arttyryp, el ekonomıkasynyń ósýine úles qosyp qana qoımaı, ekologııalyq qaýipsizdikti saqtaýdy da maqsat etedi.
«Búginde elimizde balyqtyń 100-den astam túri bar, olardy saqtap, keıingi urpaq úshin kóbeıtýimiz kerek. Memleket óz kezeginde eldiń balyq aýlaý salasyn barynsha qoldaıdy. Qazirgi ýaqytta balyq sharýashylyǵyn qoldaýǵa baılanysty qoldaý sharalaryn odan ári damytý jumysty qolǵa alyndy. Búginde elimizdiń túrli balyq óńdeý kásiporyndarynda 12 myńnan astam adam jumys isteıdi. Olardyń qatarynda balyq ınspektsııasy, balyq sharýashylyǵy qyzmetkerleri, ıhtıologtar, balyq sharýashylyǵy mamandaryn daıyndaıtyn oqytýshylar bar. Qurmetti balyq sharýashylyǵynyń qyzmetkerleri jáne osy mamandyqtyń ardagerleri! Merekelerińizben taǵy da quttyqtaýǵa ruqsat etińizder. Sizderdiń kásibılikterińiz ben mamandyqqa adaldyqtaryńyz úshin rahmet. Otbasylaryńyzǵa densaýlyq, baq-bereke tileımin!», - dedi A. Qaınarbekov.
- Aqmola oblysynda boranda adasqan eki balyqshy qutqaryldy
- Qazaqstanda Balyq sharýashylyǵy komıteti quryldy
- Aqtóbelik eriktiler balyqtardy qutqarý úshin erekshe áreketke bardy
- Úkimet balyq sharýashylyǵyn damytýdyń 2030 jylǵa deıingi baǵdarlamasyn maquldady
-
Myrzaǵalıev: Balyq sharýashylyǵyn damytý arqyly 50 myń jumys ornyn ashýǵa bolady
-
Maǵzum Myrzaǵalıev: Balyq jeminiń ımportynan qutylý úshin bes oblysta zaýyt salý kerek
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam