Elimizdegi 37 jylý elektr ortalyǵynyń 10-y ǵana memleket menshiginde
ASTANA. QazAqparat tilshisi – Elimizde 37 jylý elektr ortalyǵy bar. Mundaı derekti QR Energetıka mınıstrligi usyndy, dep habarlaıdy QazAqparat tilshisi.
Vedomstvo tizimindegi 37 jylý elektr ortalyǵynyń 10-y memleket menshigine tıesili.
Al beseýine kvazımemlekettik sektor ıelik etip otyr. Qalǵan 22 jylý elektr ortalyǵy - jekemenshik.
Memlekettik JEO-lar Astana, Shahtınsk, Arqalyq, Taraz, Semeı, Qostanaı, Oral, Kentaý, Qyzylorda qalalarynda, kvazımemlekettik sektor ıeligindegi JEO-nyń úsheýi Almatyda, al ekeýi Aqtaýda ornalasqan.
Qalǵan óńirlerdegi ortalyqtar - jekemenshiktiń qolynda.
Aıta keterligi, elimizdegi jyl elektr ortalyqtarynyń ortasha jumys istegen jyly - 61.
JEO-lardyń 76 paıyzǵa jýyǵy 50 jyldan astam ýaqyt boıy halyqqa qyzmpet kórsetip keledi.
JEO-nyń negizgi jabdyqtarynyń ortasha tozýy – 66 paıyz.
37 jylý elektr ortalyǵynyń jalpy elektr qýaty - 6 517 MVt, al jylý qýaty - 20 135 Gkal/saǵat.
Atalǵan ortalyqtarda 190 bý qazandyǵy, 41 sý jylytý qazandyǵy, 132 bý týrbınasy jáne 5 gaz týrbınasy jumys isteıdi.
Jańalyqtar
