+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Elimizde jyl basynan beri 200-ge jýyq bala jol-kólik oqıǵasynan qaza tapqan

2019 jylǵy 15 qarasha 14:34
Bólisińiz:
Elimizde jyl basynan beri 200-ge jýyq bala jol-kólik oqıǵasynan qaza tapqan

NUR-SULTAN. QazAqparat - Jol-kólik oqıǵalarynyń 96%-y kólik júrgizýshisiniń kinásinen bolady. Bul týraly QR Іshki ister mınıstrligi ákimshilik polıtsııa komıtetiniń ókili Aqtoty Boranova aıtty.

Uqsas jańalyqtar
Almatyda jaıaý júrginshini kólik qaǵyp, mert qyldy Mańǵystaýda joldaǵy kóktaıǵaqtan birneshe kólik apaty boldy Petropavlda Daewoo Matiz júrgizýshisi 50 jastaǵy áıeldi soǵyp ketti

«Jol-kólik oqıǵalarynyń 96%-y kólik júrgizýshisiniń kinásinen bolady. Degenmen, onyń ishine jaıaý júrginshiler: balalar da, eresekter de kiredi. Jyl basynan beri jaıaý júrginshilerdiń qatysýymen 5476 jol-kólik oqıǵasy bolǵan. Saldarynan 580 adam qaza taýyp, 5000 adam ártúrli dene jaraqatyn alǵan», - deıdi Aqtoty Boranova.

Onyń aıtýynsha, 3000-ǵa jýyq jol oqıǵasy kezinde balalar japa shekken.

«Jol-kólik apaty saldarynan 200-ge jýyq bala qaza taýyp, 3500-ge jýyq bala ártúrli dene jaraqatyn alǵan. Osyndaı jol-kólik oqıǵalarynyń aldyn alý maqsatynda ІІM júıeli túrde jumys atqarady», - deıdi ol.

Sondaı-aq, ol jol-kólik oqıǵalarynyń aldyn alý mektep tabaldyryǵynan bastalatynyn aıtty.

«Polıtsııa qyzmetkerleri mekteptegi jasóspirimdermen jol erejelerine qatysty oıyn túrinde, jarys túrinde ártúrli sharalar ótkizedi. Eń bastysy - ata-ana men qoǵam bolyp jol-kólik oqıǵalarynyń aldyn alý. Bala sizdiń aıtqanyńyzdy emes, istegenińizdi isteıdi. Sondyqtan jolaýshylar jolaǵyna jetpesten joldy kesip ótpeı, ereje saqtaýdy ózińizden bastańyz»,- deıdi Aqtoty Boranova.

Eske sala ketsek, buǵan deıin DDSU turaqty ókili Oleg Chestnov álem boıynsha jyl saıyn 1,5 mln adam jol-kólik apatynan mert bolatyny týraly aıtqanyn jazǵan bolatynbyz.

Sonymen qatar, Ákimshilik polıtsııa komıtetiniń basqarma bastyǵy Marat Tuıaqbaev elimizde táýelsizdik alǵaly 83 myń adam jol-kólik oqıǵasynan qaza tapqany týraly aıtty.

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT