+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Elimizde jumysynan aıyrylǵan 64 myń adam memleketten járdemaqy aldy

2021 jylǵy 24 maýsym 14:56
Bólisińiz:
Elimizde jumysynan aıyrylǵan 64 myń adam memleketten járdemaqy aldy

NUR-SULTAN. QazAqparat - 1 maýsymǵa deıin Memlekettik áleýmettik saqtandyrý qorynan jumysynan aıyrylýyna baılanysty áleýmettik tólem alýshylardyń sany 64,4 myń adamǵa jetti. Bul rette osy jyly 39,9 myń adamǵa alǵash ret tólem taǵaıyndaldy, dep habarlaıdy QazAqparat.

Qoldanystaǵy zańnamaǵa sáıkes jumystan bosatylǵan jumyskerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aıyrylýy boıynsha áleýmettik tólem alady.

Tólem joǵalǵan kiristiń 40%-yna deıingi mólsherde MÁSQ qarajaty esebinen júzege asyrylady.

Tólem taǵaıyndaý úshin jumystan bosatylǵan jumyskerge:

- eGov.kz portalynda avtorızatsııalaný;

- «Jumysqa ornalastyrý jáne jumyspen qamtý» bóliminde «Jumys izdeýshi adamdardy tirkeý» qyzmetin tańdaý;

- onlaın-qyzmetke tapsyrys berip, barlyq joldardy toltyrý jáne oǵan ETsQ-men qol qoıyp, ótinimdi jiberý qajet;

- bir kún ishinde turǵylyqty jerińizdegi halyqty jumyspen qamtý ortalyǵy (budan ári – HJQO) bos jumys oryndaryn usynady;

- eger jumys tabylmasa, 3 jumys kúni ishinde qashyqtyqtan jumyssyz mártebesi beriletin bolady (qajet bolǵan jaǵdaıda qosymsha aqparat jınaý úshin sizge HJQO qyzmetkeri habarlasady);

Jumyssyz retinde tirkelý týraly málimetter bolǵan kezde Eńbekmıniniń aqparattyq júıesi proaktıvti formatta MÁSQ-tan tólemdi taǵaıyndaý boıynsha qyzmet kórsetýge kelisý úshin mobıldi telefonǵa SMS-habarlama jiberedi.

Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady.

Esterińizge sala keteıik, MÁSQ qarajaty esebinen jumystan aıyrylǵan jaǵdaıda tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adam jumys izdegen kezeńde ony qoldaýǵa arnalǵan.

Budan buryn habarlanǵandaı, jumyssyzdardy tirkeý rásimderin jeńildetý jáne jumyspen qamtýdy qoldaý boıynsha memlekettik qyzmetter alýdy jeńildetý úshin QR Eńbek jáne halyqty áleýmettik qorǵaý mınıstrligi elektrondyq eńbek bırjasy arqyly halyqty jumyspen qamtý ortalyqtarynyń qashyqtyqtan qyzmet kórsetý fýnktsıonalyn iske qosty.

Qazaqstandyqtar EEB-tegi «jeke kabınetinde» jumys izdeýshi adam nemese jumyssyz retinde esepke tura alady jáne tirkeýdiń barlyq kezeńderin qadaǵalaı alady.

Jumyssyz mártebesin alǵannan keıin azamattar (áleýmettik saqtandyrý júıesine qatysýshylar) onlaın rejımde EEB-da jumysynan aıyrylý boıynsha áleýmettik tólemge ótinim jibere alady jáne memleket sýbsıdııalaıtyn jumys oryndaryna– jastar praktıkasyn, áleýmettik jumys oryndaryn, qoǵamdyq jumystardaǵy bos jumys oryndaryn óz betinshe tańdaı alady.

Joǵaryda kórsetilgen qyzmetterdi onlaın rejımde alý úshin elektrondyq tsıfrlyq qoltańbany paıdalana otyryp, EEB-da tirkeýden ótý qajet.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT