Jańalyqtar  >
  Qoǵam
Elimizde jumys isteýge qulyqsyz 51,5 myń adam bar - statıstıka
2022 jylǵy 12 tamyz 21:36

Elimizde jumys isteýge qulyqsyz 51,5 myń adam bar - statıstıka

NUR-SULTAN. QazAqparat – Qazaqstanda bos júrse de, jumys izdeýge talpynbaıtyn 51,5 myń adam tirkelgen. Bul týraly sáýir-maýsym aılarynyń qortyndysyn jarııalaǵan Ulttyq statıstıka bıýrosy málim etti, dep habarlaıdy QazAqparat tilshisi.

«2022 jyldyń ekinshi toqsanynda ekonomıkanyń túrli salalary boıynsha 8,8 mln adam jumyspen qamtyldy. Onyń ishinde 6,7 mln – jaldamaly qyzmetker, al 2,1 mln adam ózin-ózi jumyspen qamtyǵan. Bul – ótken jyldyń sáıkes kezeńimen salystyrǵanda 23,1 myń adamǵa kóp. Jumyssyz júrse de, qyzmet izdemegen nemese jumys isteýge daıyn emes adamdar bıylǵy jyldyń I toqsanymen salystyrǵanda 18,4 paıyzǵa azaıdy – 51,5 myń adam. Onyń ishinde 15-28 jastaǵylar arasyndaǵy jumyssyzdyq deńgeıi – 3,8 paıyz. Al, NEET sanatyndaǵy jastar arasynda jumyssyzdyq kórsetkishi – 6,5 paıyz», - dep málim etti Ulttyq statıstıka bıýrosynan.

Bıýro dereginshe, sáýir-maýsym aralyǵynda el boıynsha 452 myń jumyssyz adam tirkelgen.

Eske sala ketsek, buǵan deıin 5 myńǵa jýyq elordalyq jumyssyz retinde tirkeýde turǵanyn habarlap edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT