+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Elimizde jastardy qoldaýdyń 2025 jylǵa deıingi keshendi jospary ázirlenedi

2020 jylǵy 29 maýsym 12:11
Bólisińiz:
Elimizde jastardy qoldaýdyń 2025 jylǵa deıingi keshendi jospary ázirlenedi

NUR-SULTAN. QazAqparat – Qazaqstanda jastardy qoldaýdyń 2025 jylǵa deıingi keshendi jospary ázirlenip, jastar saıasaty salasyndaǵy zańnama jetildiriledi. Bul týraly halyqqa esep berý kezdesýinde Aqparat jáne qoǵamdyq damý mınıstri Aıda Balaeva málim etti, dep habarlaıdy QazAqparat tilshisi.

Uqsas jańalyqtar
Táýelsizdikke 30 jyl: Tarazda «Tórtinshi onjyldyqtaǵy Táýelsiz Qazaqstan» atty  jastar forýmy ótti Nur-Sultanda talantty jastar «Elbasy medalimen» marapattaldy

«Ózderińiz biletindeı, byltyr Qazaqstannyń Tuńǵysh Prezıdenti – Elbasy Nursultan Nazarbaevtyń jarııalaýymen «Jastar jyly» ótken bolatyn. Jalpy «Jastar jyly» sheńberinde búkil el boıynsha 300 resýpblıkalyq shara ótip, oǵan 2 mıllıonnan astam jas, al arnaıy sharalarǵa 800 myńǵa tarta adam tartyldy. Nur-Sultan, Almaty jáne Shymkent qalalarynda jumys isteıtin jastarǵa, sonyń ishinde jas otbasylarǵa 3 myń jaldamaly páter berildi. Jalpy bul baǵytta jastarǵa barlyǵy 9 myń páter berý josparlanǵan», - dedi Aıda Balaeva OKQ alańy arqyly halyqqa esep berý kezdesýinde.

Mınıstrdiń aıtýynsha, «Jas kásipker» jobasy aıasynda 5 myń adam memleketten grant alyp, jas kásipker atanǵan. Sonymen qatar, 10 myń jas kásipker shaǵyn nesıe berý arqyly óz óndirisin keńeıtken. Onyń kóp bóligi aýyl jastaryna berilip otyr. «Jasyl el» jobasymen 2019 jyly 20 myńnan astam adam qamtylǵan.

«Dıplommen aýylǵa» baǵdarlamasy boıynsha mamandarǵa beriletin birjolǵy járdemaqy mólsheri 70 AEK-ten 100 AEK-ke deıin ósti. Jas ǵalymdardyń fýndamentaldy jáne qoldanbaly zertteýlerine baǵyttalǵan granttyq qarjylandyrý 2020 jyldan bastap 3 jyldyń ishinde 3 mıllıard teńgege ulǵaıady. «Stýdenttik áleýmettik nesıe» júıesin engizý arqyly volonterlik qyzmetpen aınalysatyn Joǵary oqý oryndarynyń stýdentterine stıpendııa 30%-ǵa ósti. Jastar jyly jastardy qoldaý úshin kóptegen shara qabyldandy. Eń bastysy, jastar saıasaty aıasynda odan ári júıeli sharalardy ázirleýge serpin berildi», - dedi Aıda Balaeva.

Mınıstr bıyl Qazaqstanda jastardy qoldaýdyń 2025 jylǵa deıingi keshendi jospary ázirlenetinin jetkizdi. Sonymen qatar elimizde jastar saıasaty salasyndaǵy zańnamany jetildirý boıynsha amal-ádister qolǵa alynatynyn málim etti.

«Nur-Sultan qalasyndaǵy «QazExpoCongress» pavılonynda «ArtHUB» jastar bastamasyn qoldaý ortalyǵyn qurý kózdelgen. Bul alań arqyly kreatıvti jáne shyǵarmashyl jastar óziniń ıdeıasyn batyl júzege asyra alady. Dál sol jerde jastar uıymdary men volonterlardyń front-keńseleri shoǵyrlanady», - dedi ol.

Aıan Bekenuly


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT