+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Elimizde zeınetaqy tólemin paıdalanýdyń jańa qaǵıdasy ázirlenýde

2021 jylǵy 17 qyrkúıek 21:02
Bólisińiz:
Elimizde zeınetaqy tólemin paıdalanýdyń jańa qaǵıdasy ázirlenýde

NUR-SULTAN. QazAqparat –«Ashyq NQA» saıtynda QR Indýstrııa jáne ınfraqurylymdyq damý mınıstriniń biryńǵaı jınaqtyq zeınetaqy qorynan birjolǵy tólemderin turǵyn úı jaǵdaıyn jaqsartýǵa paıdalaný qaǵıdalaryn ózgertýdi kózdeıtin jańa buıryǵynyń jobasy jarııalandy, dep habarlaıdy QazAqparat tilshisi.

29 qyrkúıekke deıin kópshilik talqysyna usynylyp otyrǵan qujatta turǵyn úı jaǵdaıyn jaqsartý úshin birjolǵy zeınetaqy tólemderin myna maqsattarmen paıdalanýǵa jol beriletini aıtylǵan:

1) turǵyn úıdi satyp alý-satý, aıyrbastaý (aıyrbas jasaý) sharttary boıynsha (ıpotekalyq turǵyn úı qaryzyn resimdemeı) turǵyn úıdi menshikke satyp alýǵa baılanysty azamattyq-quqyqtyq mámileler boıynsha túpkilikti esep aıyrysý;

2) bir banktik qaryz sharty sheńberinde jóndeý júrgize otyryp, turǵynjaıdy satyp alýǵa ıpotekalyq turǵyn úı qaryzyn alý, ıpotekalyq turǵyn úı qaryzy boıynsha bereshekti ishinara nemese tolyq óteý, ıpotekalyq turǵyn úı qaryzyn qaıta qarjylandyrý úshin bastapqy jarnany engizý;

3) turǵyn úı qaryzyn qaıta qarjylandyrý úshin turǵyn úı qurylysy jınaq aqshasy týraly salymdarǵa aýdarý;

4) ıslam bankiniń qarjylandyrýy sheńberinde turǵyn úı satyp alý, ıslam bankiniń turǵyn úı satyp alý jónindegi mámileni qarjylandyrýy sheńberinde bereshekti ishinara, tolyq óteý;

5) turǵyn úı qurylysy baǵdarlamalary men daǵdarysqa qarsy baǵdarlamalar sheńberinde berilgen turǵyn úıdi jekeshelendirý, tóleý merzimin uzarta otyryp satyp alý-satý, satyp alý quqyǵymen uzaq merzimdi jalǵa alý sharttary boıynsha ishinara nemese tolyq óteý;

6) ıpotekalyq turǵyn úı qaryzyn tarta otyryp, sondaı-aq osyndaı ıpotekalyq turǵyn úı qaryzyn nemese qaıta qarjylandyrylǵan ıpotekalyq turǵyn úı qaryzyn ishinara nemese tolyq óteý úshin jeke turǵyn úı salý (menshiginde nysanaly maqsaty bar jer ýchaskesi bolýy shart)

7) ıpotekalyq turǵyn úı qaryzyn resimdemeı, keıinnen turǵyn úıdi paıdalanýǵa berý týraly aktini bere otyryp, satyp alý-satý, aıyrbastaý sharttary boıynsha jer ýchaskesin menshikke satyp alý (nysanaly maqsaty – jeke turǵyn úı qurylysy nemese jeke qosalqy sharýashylyq);

8) jergilikti atqarýshy organdar belgilengen tártippen tirkegen turǵyn úı qurylysyna úlestik qatysý týraly shart boıynsha biryńǵaı turǵyn úı qurylysy operatory kepildigi negizinde salynyp jatqan obektide turǵyn úı satyp alý qaryzdary boıynsha mindettemelerdi tóleý úshin turǵyn úıdiń (páterdiń) qunyn tóleýge beriletin aǵymdaǵy nysanaly transfertter.

«Turǵyn úı jaǵdaılaryn jaqsartý úshin birjolǵy zeınetaqy tólemderin paıdalaný qolma-qol aqshasyz tásilmen júzege asyrylady. Birjolǵy zeınetaqy tólemderiniń somasy osy Qaǵıdalarda kózdelgen maqsattarǵa jetkiliksiz bolǵan kezde menshikti qarajatyn paıdalanýǵa jol beriledi. Turǵyn úı jaǵdaılaryn jaqsartý úshin birjolǵy zeınetaqy tólemderin paıdalaný qolma-qol aqshasyz tásilmen júzege asyrylady», - dep jazylǵan buıryqtyń jobasynda.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT