Jańalyqtar  >

Elimizde túsirilgen fılmderge ulttyq mártebe berý tártipteri ózgeredi

2022 jylǵy 28 qarasha, 14:28
Elimizde túsirilgen fılmderge ulttyq mártebe berý tártipteri ózgeredi

ASTANA. QazAqparat – «Fılmdi ulttyq dep taný jáne ulttyq fılm kýáligin berý erejelerin bekitý týraly» Mádenıet jáne sport mınıstriniń buıryǵyna ózgeris engizilmek, dep habarlaıdy QazAqparat tilshisi.

Usynylyp otyrǵan qujat «kınematografııalyq qyzmet sýbektileri», «ótinish berýshi» termınderimen tolyqqan.

«Eger fılmde QR Ulttyq tarıhyndaǵy, qazirgi ómirindegi oqıǵalar beıneleıtin bolsa, jalpyadamzattyq gýmanıtarlyq, áleýmettik jáne adamgershilik problemalarǵa, elimiz úshin áleýmettik-mádenı mańyzy bar álemdik tarıhtaǵy oqıǵalarǵa arnalǵan nemese QR halyqaralyq deńgeıdegi ımıdji men bedelin nyǵaıtýǵa yqpal etse ol kıno ulttyq bolyp tanylady», - delingen qujatta.

Aıta keteıik, qoldanystaǵy tıisti buıryqta mundaı norma joq. Sonymen birge, elimiz ratıfıkatsııalaǵan halyqaralyq shart talaptaryna sáıkes, sheteldik kınokompanııalarmen birlesip túsirilgen fılmderge de ulttyq mártebe berilýi múmkin.

Buıryq «Ashyq» NQA portalynda jarııalandy. Ony talqylaý 9 jeltoqsanǵa deıin jalǵasady.


Foto: phonoteka.org


Uqsas jańalyqtar
Seriktester jańalyqtary

Jańalyqtar