+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Elimizde turaqtylyq pen sabaqtastyqty ustap tura alatyn Parlament qajet - saıasattanýshy

2020 jylǵy 21 qazan 10:34
Bólisińiz:
Elimizde turaqtylyq pen sabaqtastyqty ustap tura alatyn Parlament qajet - saıasattanýshy

NUR-SULTAN. QazAqparat - Elimizde turaqtylyq pen sabaqtastyqty ustap tura alatyn Parlament qajet. Mundaı pikirdi tanymal saıasattanýshy Qazbek Maıgeldınov bildirdi, dep habarlaıdy QazAqparat tilshisi.

«Búgin saılaý naýqany bastalǵany jarııalandy. Aıta keterligi, Májilis saılaýy zańnamamen bekitilgen konstıtýtsııalyq merzimde ótedi. Buǵan qosa, 6-shy shaqyrylǵan Májilistiń ortasha jasy aıtarlyqtaı jasarýy tıis. Aıtalyq, 5-shi shaqyrylǵan Májilistiń depýtattyq korpýsynyń ortasha jasy 56 jasty quraıdy. Degenmen, jańa ózgertýlerge sáıkes, alǵash ret parlamenttik tájirıbede áıelder men jastar úshin partııalyq tizim boıynsha 30 paıyzdyq kvota engiziletin bolady. Bul olardyń eldiń qoǵamdyq-saıası protsesterine barynsha belsendi qatysýyna septigin tıgizedi. Taǵy bir jańashyldyq - parlamenttik oppozıtsııa ınstıtýtynyń engizilýi. Bul qadam qazirgi zamanǵy otandyq oppozıtsııa ınstıtýty qalyptasýynyń apgreıdi úshin demeý bolyp sanalady. Buǵan qosa, oppozıtsııa konstrýktıvti ári taza bolýy tıis», - dep jazdy saıasattanýshy Facebook paraqshasynda.

Máselen, onyń atap ótýinshe, Germanııada «konstrýktıvti oppozıtsııa» termıni barynsha keńinen qoldanylady. Aıtalyq, eldiń saılaýda jeńiliske ushyraǵan parlamenttik partııasy konstrýktıvti saıasat júrgizýge, balama sheshimder usynýǵa, keń aýqymdy pikirtalastar barysynda problemalardy talqylaýǵa mindetti. Osylaısha, parlamenttik oppozıtsııa qarsylas emes, halyq narazylyǵynyń ózindik amortızatory rólin atqarýy tıis.

«Buǵan qosa, máslıhattardyń saılaýy alǵash ret partııalyq tizimmen ótedi. Tolyqtaı alǵanda, saıası partııalarǵa teńdeı ókildik negizinde partııalyq tizim boıynsha máslıhatqa saılanýǵa múmkindik beretin aralas shema jergilikti ózin-ózi basqarýdy damytýǵa jańa serpin berý qajet. Atap aıtqanda, iri partııalar úshin «syılyq oryn« mınımýmǵa tómendep, shaǵyn partııalar da jergilikti atqarýshy organda ókildik etý múmkindigin alady», - dedi Qazbek Maıgeldınov.

Osy oraıda saıasattanýshy aldymyzda eki aıǵa sozylatyn saılaý aldy naýqanynyń kútip turǵandyǵyn atap ótedi.

«Qorytyndysy qandaı bolsa da, bul saılaý saıasatta úlken júıelilik pen turaqtylyqqa alyp keletindigine úmit artqyń keledi. Bizge qandaı da bir turaqsyzdyq múldem qajet emes. Ekonomıkalyq daǵdarys pen pandemııa kezeńinde eldiń odan ary damýy úshin mańyzdy sheshimder qabyldaýda turaqtylyq pen sabaqtastyqty ustap tura alatyn Parlament qajet», - dedi ol.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT