+7 (701) 759 90 19
USD 429.76 EUR 518.16
RUB 5.64 CNY 66.15
Jańalyqtar

Elimizde soǵys oty sharpymaǵan áýlet joq - Máýlen Áshimbaev

2020 jylǵy 9 mamyr 09:45
Bólisińiz:
Elimizde soǵys oty sharpymaǵan áýlet joq - Máýlen Áshimbaev

NUR-SULTAN. QazAqparat - Senat tóraǵasy Máýlen Áshimbaev qazaqstandyqtardy Jeńis kúnimen quttyqtady, dep habarlaıdy QazAqparat.

«Barshańyzdy Jeńistiń 75 jyldyǵymen quttyqtaımyn! Bul – órshil rýh pen óshpes erliktiń merekesi. Jeńis kúni bekem birliktiń jáne eren eńbektiń jarqyn sımvoly sanalady. Biz úshin aıtýly meıramnyń mańyzy aıryqsha zor. Elimizde soǵys oty sharpymaǵan áýlet joq. Qan maıdanǵa attanǵan qazaqstandyqtardyń jartysy elge oralmady. Sol kezeńde 500-den astam otandasymyz Keńes odaǵynyń batyry atanyp, qaısarlyq pen janqııarlyqtyń ozyq úlgisin kórsetti. Tyl eńbekkerleri de Uly Jeńisti jaqyndatýǵa ólsheýsiz úles qosty. Sondyqtan biz árdaıym ardagerlerimizdi ardaqtap, Otan úshin opat bolǵan erlerdiń rýhyna taǵzym etemiz», - dep jazdy Máýlen Áshimbaev Facebook paraqshasyna.

Taıaýda Memleket basshysy ardagerlerdiń, eń aldymen Ekinshi dúnıejúzi soǵysyna qatysýshylardyń áleýmettik qorǵalýyn qamtamasyz etetin jańa zańǵa qol qoıdy.

«Bul – búgingi beıbit ómirimizge jol ashqan aǵa býynǵa kórsetilgen erekshe qurmet. Biz ákelerimiz ben atalarymyzdyń jankeshti erligin eshqashan umytpaımyz. Qazirgideı kúrdeli kezeńde de eshbir ardager eleýsiz qalǵan joq. Merekemen quttyqtaı otyryp, maıdangerlerimizge zor densaýlyq jáne baq-bereke tileımin», - dep túıindedi sózin Senat spıkeri.

Aıta keteıik, búgin qazaqstandyqtar Ekinshi dúnıejúzilik soǵystaǵy Jeńistiń 75 jyldyǵyn toılap jatyr.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT