+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Elimizde rezervtegi áskerı qyzmet paıda bolýy múmkin

2021 jylǵy 13 shilde 18:47
Bólisińiz:
Elimizde rezervtegi áskerı qyzmet paıda bolýy múmkin

NUR-SULTAN. QazAqparat – Qorǵanys mınıstrligi kópshiliktiń talqysyna rezervtegi áskerı qyzmet týraly zań jobasynyń tujyrymdamasyn shyǵardy, dep habarlaıdy QazAqparat tilshisi.

Qujattyń tolyq ataýy – «Qazaqstan Respýblıkasynyń keıbir zańnamalyq aktilerine rezervtegi qyzmet máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańy jobasy.

Mınıstrliktiń baspasóz qyzmeti atalmysh ózgeris halyqaralyq tájirıbege súıene otyryp daıyndalǵanyn habarlady.


«Qorǵanys mınıstrligi qazirgi zamanǵy syn-qaterlerge turaqty negizde taldaý júrgizedi. Olarǵa qarýly janjaldar, sonymen qatar avarııamen, pandemııamen, ekologııalyq apatpen baılanysty tótenshe jaǵdaılar jatady. Mundaı jaǵdaılarda qarýly kúshter men jumyldyrý rezervi qoldanystaǵy zańnamaǵa sáıkes tartylýy múmkin. Bul rette halyqaralyq tájirıbe jumyldyrý rezervin óristetý men tartýdyń qysqa merzimde talap etilýi múmkin ekenin kórsetedi», - dep túsindirdi mınıstrlik ókilderi.

Osyny eskergen Qorǵanys mınıstrligi rezervtegi áskerı qyzmetti engizý josparlap otyr. Rezervtegi qyzmet azamattardyń negizgi jumysyn qosa atqarýymen, jalaqysyn saqtaı otyryp, áskerdegi qyzmeti úshin qosymsha tólem berile otyryp, kelisimshart negizinde atqarylady.

«Tıisti qajetti mamandyqtary bar azamattar áskerı bólimmen rezervte qyzmet ótkerý týraly 3 jylǵa tıisti kelisimshart jasaıdy. Rezervtegi adamdardy daıarlaý jylyna 60 kúnnen aspaıtyn merzimde júrgiziletin bolady. Ol oqytý baǵdarlamasyna sáıkes uzaqtyǵy 1 aıǵa deıin aı saıynǵy eki kúndik sabaqtar men jıyndardan (oqý-jattyǵýlardan) turady. Bul rette tapshy mamandyqtar boıynsha daıarlyqqa erekshe nazar aýdarylatyn bolady», -delingen mınıstrliktiń resmı málimetinde.

Rezevtegi áskerı qyzmet ótkerýshilerge áskerı bólimderde saqtaýda turǵan qarý men jaýyngerlik tehnıka bekitilip beriledi. Áskerı bólimder olardy sabaqtar men oqý-jattyǵýlar kezinde tıisti kıim-keshekpen, kazarmadan turatyn orynmen jáne tamaqpen qamtamasyz etýge tıis.

Al rezervtegi áskerı qyzmeti úshin aı saıyn eń tómengi 1 jalaqy mólsherinde, jıyndar (oqý-jattyǵýlar) ótkizý kezeńinde rezervtegi adamnyń ortasha jalaqysy mólsherinde aılyq tólenedi.

«Sabaqtar men oqý-jattyǵýlarda bolý merzimi áskerı qyzmettegi eńbek sińirgen jyldarynyń jalpy merzimine kiredi. Rezervtegi qyzmet qysqa merzimde tıisti áskerı bólimge kelýge jáne qoıylǵan mindetterdi oryndaýǵa dereý kirisýge ázir, daıarlanǵan azamattardyń bolýyna múmkindik beredi», - deıdi mınıstrlik mamandary.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT