+7 (701) 759 90 19
USD 376.77 EUR 408.46
RUB 5.95 CNY 53.98
Jańalyqtar

Elimizde oqýshylar arasyndaǵy eń úzdik shahmatshy anyqtaldy

2020 jylǵy 20 qańtar 15:47
Bólisińiz:
Elimizde oqýshylar arasyndaǵy eń úzdik shahmatshy anyqtaldy

NUR-SULTAN. QazAqparat – Oqýshylar arasynda shahmattan Qazaqstan Respýblıkasynyń chempıonaty shegine jetti, dep habarlaıdy QazAqparat tilshisi Qazaqstan shahmat federatsııasynyń baspasóz qyzmetine silteme jasap.

Chempıonat Almaty qalasynda úsh tártip – klassıka, rapıd (jyldam shahmat) jáne blıts boıynsha uıymdastyryldy. Oı jarysyna 7 jas sanaty boıynsha 872 (uldar men qyzdar) bala qatysty.

«Almaty qalasyndaǵy Shatrandj shahmat mektebiniń oqýshysy Álisher Ábdisattardy erekshe atap ótkimiz keledi. Ol klassıka men rapıdte altyn medal ıelense, blıtste ekinshi oryn aldy. Jeti jasta bolǵanyna qaramastan, ol Álem jáne Azııa chempıonattarynda jasyndaı jarqyldap, bolashaǵynan zor úmit kúttirip otyr. Qazaqstan chempıonatynda Álisher júlde qoryn tolyqtyra tústi. Sonymen birge, ol 2020 jylǵy Álem chempıonatyna joldama aldy», - delingen Shahmat federatsııasynyń habarlamasynda.

Klassıka boıynsha 18 jasqa deıingi balalar sanatynda alǵashqy oryndardy Ramazan Jalmahanov pen qyzyordalyq Ásel Serikbaı ıelendi. Sonymen birge, Qazybek Nógerbek pen Ksenııa Balabaeva 16 jasqa deıingi shahmatshylar arasynda týrnırdiń absolıýtti chempıony atandy.


14 jasqa deıingiler arasynda Aldııar Ańsat pen Alýa Nurmanova top jardy. 12 jasqa deıingilerdiń arasynda Aldııar Ańsat pen Zarına Nurǵalıeva aldyna jan salmady. 10 jasqa deıingi balalar ishinde Edgar Mamedov pen Elnaz Qalıahmet, 8 jasqa deıingiler arasynda Álisher Ábdisattar, Hanzada Amanjol alǵashqy oryndardan kórindi. 6 jasqa deıingi sportshylar arasynda Elsıd Elmýrzıev pen Jansaıa Sholpanbek altyn medal ıelendi.


Bizdiń kanalymyzǵa jazylyńyz:

Basty sózder: Sport, Qoǵam,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT