+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Elimizde múgedekterdi jumysqa ornalastyrý úshin qandaı múmkindikter jasalady

2020 jylǵy 16 tamyz 16:12
Bólisińiz:
Elimizde múgedekterdi jumysqa ornalastyrý úshin qandaı múmkindikter jasalady

NUR-SULTAN. QazAqparat - Eńbek jáne halyqty áleýmettik qorǵaý mınıstrligi BUU Damý baǵdarlamasymen birlese otyryp, «Múgedekter arasynda ekonomıkalyq belsendilikke jaǵdaı jasaý» jobalyq keńsesin júzege asyrýda. Jobalyq keńse aıasynda múgedekterdiń jumyspen qamtylýyn qamtamasyz etýdiń 26 negizgi sharalary qarastyrylǵan jol kartasy bekitildi, dep habarlaıdy QazAqparat tilshisi.

Uqsas jańalyqtar
Eńbek jaraqatynan múgedek bolǵan adamdardy ońaltý tártibi retteledi 7 -den 16 jasqa deıingi balalar múgedektik toptary boıynsha bólinedi - mınıstrlik

Múgedekterdiń jumyspen qamtylýyn qamtamasyz etý úshin dene qyzmetiniń buzylǵany eskeriletin sanattaǵy adamdarǵa usynylatyn mamandyqtar katalogy jasalady.

«Bul nusqaýlyq ádistemelik materıal retinde paıdalanylady. Onyń kómegimen jumys berýshiler múgedektigi bar adamdar deneniń qaı múshesiniń qyzmeti buzylǵanyna baılanysty qandaı kásipte ózin-ózi taba alatyndyǵyn túsinedi. Ol osy jyldyń aıaǵynda aıaqtalyp, elektrondy eńbek bırjasyna engiziledi. Bul anyqtama jergilikti atqarýshy organdardyń, jumys berýshilerdiń jáne múgedekterdiń jumysynda tıimdi quralǵa aınalady», - deıdi Eńbek jáne halyqty áleýmettik qorǵaý mınıstrligi Áleýmettik qyzmetterdi damytý departamentiniń dırektory Dámejan Sádýaqasova.

Osylaısha, elektrondyq eńbek bırjasy fızıologııalyq shekteýler men biliktilik túrlerin tańdaýǵa negizdelgen qoldanystaǵy bos jumys oryndary boıynsha usynystar shyǵarady. Bul múmkindik elektrondy eńbek bırjasy arqyly múgedekterdi jumysqa ornalastyrý amalynyń sanyn kóbeıtýge múmkindik beredi, sonymen qatar jumys berýshilerge jumys oryndaryna qosý deńgeıin arttyrýǵa kómektesedi.

Sondaı-aq, múgedekterdi áleýmettendirý jáne ınklıýzıvti qamtamasyz etý úshin joba keńsesinde ınnovatsııalyq jáne sandyq tehnologııa qoldanylady.

Sonymen qatar, dene músheleriniń ártúrli qyzmeti buzylǵandarǵa arnalǵan mobıldi qosymshalardy qol jetimdi paıdalaný boıynsha jobalar júzege asyrylýda. Mobıldi qosymshalarǵa monıtorıng jáne múgedekterge arnalǵan albom jasaldy, onyń ishinde 60 qosymsha bar. Ótinishter densaýlyq aqaýlarynyń túrleri boıynsha: estý jáne sóıleý qabileti, kórý qabileti jáne tirek-qımyl apparaty problemalary bar adamdar úshin 3 topqa bólinedi. Múmkindigi shekteýli jandar arasynda eń tanymal qosymshalar da anyqtaldy. Ótinimder týraly aqparat inva.gov.kz saıtynda usynylǵan.

Jobalyq keńse aıasynda «ITeachMe» qoǵamdyq qorymen birlesip mobıldi qosymshalardy múgedekterdiń qajettilikterine beıimdeý úshin qyzmet kórsetetin kompanııalarmen jáne uıymdarmen (jetkizý, satý, mobıldi bankıng, taksı qyzmetteri jáne t.b.) memorandým jasaý kózdelip otyr.

Múmkindigi shekteýli jandardyń ekonomıkalyq táýelsizdigin arttyrýǵa yqpal etetin taǵy bir qural - «Scale up» baǵdarlamasy. Ol múmkindigi shekteýli kásipkerlerdi qoldaýǵa arnalǵan jáne bızneske qarjylyq emes kómek kórsetýdi qarastyrady.Baǵdarlama múgedekter ashatyn jáne múgedekter úshin taýarlar, jumystar men qyzmetter óndiretin kásiporyndardy qamtıdy. Búgingi tańda baǵdarlamaǵa qatysý úshin 75 bıznes joba iriktelip alyndy. Olardyń árqaısysy úshin jeke jol kartasy jasalady.

Uıymdastyrýshylardyń aıtýynsha, bul baǵdarlama múgedekterdiń ómir sapasyn jaqsartýmen aınalysatyn kásiporyndardyń damýyna serpin beredi.

Sonymen qatar, múgedekterdi oqytýǵa da kóńil bólinedi. Memlekettik basqarý akademııasy BUU Damý baǵdarlamasymen birlesip, qashyqtan jumys rejıminde jumys tıimdiligin arttyrýǵa baǵyttalǵan memlekettik qyzmetshilerge arnalǵan kýrstar ázirledi.

« Eńbek jáne halyqty áleýmettik qorǵaý mınıstrliginiń bastamasy boıynsha bul kýrsta múmkindigi shekteýli 342 memlekettik qyzmetshi oqytyldy. Búgingi tańda memlekettik qyzmette 433 múgedek jumys isteıdi. Onyń 318-i ortalyq memlekettik organdarda. Búgingi tańda kóptegen uıym qashyqtan jumys rejımine ótken, sol sebepti mundaı oqý kýrstary óte ózekti», - dep atap ótti Dámejan Sádýaqasova.

Óndiristegi jaraqattaný deńgeıin tómendetý maqsatynda mınıstrlik otandyq kásiporyndardyń Halyqaralyq áleýmettik qamsyzdandyrý qaýymdastyǵynyń «Vision Zero» baǵdarlamasyna qosylý naýqanyna qatysýda.

«Vision Zero» baǵdarlamasy úsh baǵytty biriktiredi: eńbek qaýipsizdigi, óndiristik qaýipsizdik jáne óndiristiń barlyq deńgeılerindegi qaýipsizdik. Búgingi tańda Qazaqstandaǵy 300-ge jýyq óndiristik jáne óndiristik emes kásiporyndar nóldik jaraqat baǵdarlamasyna qosyldy.

Mınıstrlik kásiporyndardy nóldik jaraqat baǵdarlamasyna qosýdyń ekonomıkalyq tıimdiligin esepteıdi. Baǵdarlama tujyrymdamasyn iske asyrý nátıjesinde Qazaqstandaǵy kásiporyndarda jaraqattaný, ólim jáne múgedektik deńgeıi tómendeıdi dep kútilýde.

«Eńbek» baǵdarlamasy týraly dp umytpaý kerek, onyń aıasynda múgedekter oqýdan ótip, jumys tabýda, sonymen qatar bıznesti damytý úshin mıkronesıe men grant alatyn bolady. Birinshi jartyjyldyqta múgedektigi bar 7,8 myń qazaqstandyq jumysqa ornalastyryldy. Onyń ishinde 2, 2 myń adam turaqty jumys oryndarynda, 5,6 myń adam ýaqytsha jumysqa ornalasty. Bul - áleýmettik jumys, jastar praktıkasy jáne qoǵamdyq qyzmet.

103 adam shaǵyn nesıe aldy, onyń 75-i óz isin ashty. Múgedektigi bar 218 qazaqstandyq grant aldy. Qysqa merzimdi kásibı kýrstarda múmkindigi shekteýli 259 adam qamtyldy. «Bastaý bıznes» jobasy boıynsha 67 adam kásipkerlik negizderin oqydy.

Qazirgi kezdegi negizgi problemalardyń biri - jumys berýshilerdiń múgedekterdi jumysqa qabyldaýǵa degen qyzyǵýshylyǵynyń tómendigi. Osy másele boıynsha jumys berýshilerdiń belsendiliginiń tómen bolý sebepterin anyqtaý úshin mınıstrlik uıymdar men kásipkerlerge arnalǵan saýalnamany ázirledi. Qabyldanǵan jaýaptardyń negizinde múgedekterdi qabyldaıtyn jumys berýshiler úshin qolaıly jaǵdaı jasaý boıynsha qosymsha jumystar júrgiziletin bolady.

Aıta ketý kerek, elimizde 705,5 myń múgedek turady, onyń 430 myńy - eńbekke qabiletti jastaǵy adamdar. Onyń 100 myńǵa jýyǵy jumys isteıdi.

«Qabyldanǵan sharalar múgedektigi bar kóptegen qazaqstandyqtardy jumyspen qamtýǵa jáne ekonomıkalyq qyzmetke tartýǵa kómektesedi», - dep qorytyndylady Dámejan Sádýaqasova.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT