+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Elimizde qos azamattyǵy bar 2 memlekettik qyzmetshi laýazymynan bosatyldy

2021 jylǵy 13 sáýir 15:27
Bólisińiz:
Elimizde qos azamattyǵy bar 2 memlekettik qyzmetshi laýazymynan bosatyldy

NUR-SULTAN. QazAqparat – Elimizde qos azamattyǵy bar 2 memlekettik qyzmetshi laýazymynan bosatyldy. Bul jaıynda Senat depýtatynyń saýalyna QR Memlekettik qyzmet isteri agenttigiginiń tóraıymy Anar Jaıylǵanovanyń jaýabynda aıtylǵan, dep habarlaıdy QazAqparat tilshisi.

«Qazaqstan Respýblıkasynyń keıbir zańnamalyq aktilerine Qazaqstan Respýblıkasy Memleket basshysynyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynyń jekelegen erejelerin iske asyrý máselesi boıynsha ózgerister men tolyqtyrýlar engizý týraly» Zań qabyldanyp, Eńbek kodeksine jáne «Qazaqstan Respýblıkasynyń memlekettik qyzmeti týraly» zańǵa tıisti túzetýler engizildi. Atap aıtqanda, Respýblıka azamattyǵyn joıǵan ne odan aıyrylǵan, sondaı-aq shet memlekettiń azamattyǵy bar memlekettik qyzmetkershi (kvazımemlekettik sektor basshylary) qyzmetten shyǵarylýǵa jatady», - dedi ol.

Agenttik tóraıymynyń atap ótýinshe, osy talaptardy oryndaý tetigin ázirleý aıasynda Іshki ister mınıstrligi memlekettik organdar usynǵan memlekettik qyzmetkerlerdiń tizimi boıynsha olarda «qos azamattyǵynyń» bar-joǵyn tekseredi.

«Qazirgi ýaqytta qos azamattyqty anyqtaý faktisi boıynsha memlekettik qyzmetshiler (Shymkent qalasynyń Sport jáne dene shynyqtyrý basqarmasynyń basshysy O.Pochıvalov pen Saýda jáne ıntegratsııa mınıstrligi Tehnıkalyq retteý jáne metrologııa komıtetiniń Aqmola oblysy boıynsha departamentiniń bas mamany I.Tochıdlovskaıa) atqaryp otyrǵan laýazymynan bosatyldy. Osylaısha, memlekettik ákimshilik qyzmetkerlerge qatysty barlyq zańnamalyq sharalar qabyldandy dep sanaımyz», - dedi Anar Jaıylǵanova.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059

MURAǴAT