+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Elimizde kedendik ákimshilendirýdi jetildirý boıynsha belsendi jumystar atqarylýda

2017 jylǵy 24 mamyr 18:39
Bólisińiz:

ASTANA. QazAqparat - Elimizde taýarlardy kedendik rásimdeý ýaqyty 6 saǵattan 1 saǵatqa deıin qysqartyldy.

QR Qarjy mınıstrligi Memlekettik kirister komıteti ókiliniń aıtýynsha, búgingi tańda kedendik rásimder aıtarlyqtaı jeńildetildi, syrtqy ekonomıkalyq qyzmet múshelerine, orta jáne shaǵyn bıznes ókilderine barynsha yńǵaıly jaǵdaılar jasaldy.

Máselen, bıznes-úderisterdi ońtaılandyrý nátıjesinde jasalatyn is-áreketterdiń sany 898-den 394-ke deıin, al bql degenimiz 2,3 esege qysqartylǵan. Jalpy elimizdiń keden beketindegi taýarlardy kedendik rásimdeý ýaqyty 6 saǵattan 1 saǵatqa deıin qysqartylǵan.

Kedendik resimdeýdi ońtaılatýdaǵy keden qyzmetiniń kezekti qadamy tek ýaqytty ǵana emes, syrky ekonomıkalyk qyzmetke qatysýshylardyń qarjylaryn únemdeýge de jol ashatyny aıdan anyq.

Kedendik saıasatty úılestirý, DSU erejesine sáıkes halyqaralyq standartpen jáne ozat tájirıbemen, elektrondyq deklaratsııalaý júıesin eńgizý, eksport jáne ımport qujattarynyń sanyn azaıtýǵa múmkindik týǵyzý,sondaı-aq, táýekelmen basqarý jáne post - aýdıttyq ozat ádistemesin nyǵaıtý, basqa sózben aıtqanda, kedendik nemquraıdy jeńildetý - búgingi tańda eń ózekti másele bolyp tabylady. Osy rette elimizde halyqaralyq saýdany júrgizý múmkindikterin odan ári jeńildetý maqsatynda kedendik rásimdeý men baqylaý protsesterin birtutas platforma negizinde elektrondyq formatqa aýystyrý jumystary josparlanyp otyr. Sebebi búgingi tańda atalǵan protsester ár túrli aqparattyq júıelerde bir-birinen baılanysy úzilip, ajyrap ketken.

Osyǵan baılanysty ASIKÝDA (Kedendik ákimshilendirýdiń jáne salyqtyq ákimshilendirýdiń avtomattandyrylǵan júıesi) halyqaralyq platforma bazasynda elektrondyq kedendik deklaratsııalaýdyń tolyq tsıklymen "ASTANA-1" aqparattyq júıesi qurylatyn bolady. ıAǵnı, "ASIKÝDA" platformasyn engizý Qazaqstannyń beıimdelý jaǵdaıyna baılanysty «Astana -1» aqparattyq júıesi arqyly qamtamassyz etiledi. Bul bastama pılottyq rejımde elimizdiń barlyq aımaqtarynda qoldanylady

Aıta keteıik, 2017 jyldyń sáýir aıynyń 10 - 14 aralyǵynda Qazaqstan Respýblıkasy Qarjy mınıstrligi Memlekettik kirister komıteti Oqý-ádistemelik ortalyǵymen birigip, «Astana - 1» AJ engizýin daıyndaý sheńberinde «Aqparatty júıe «Astana-1» (Asıkýda)» atty tájirıbelik semınar ótkizgen bolatyn. Bul semınarǵa Qazaqstan Respýblıkasy Qarjy mınıstrligi Memlekettik kirister komıtetiniń aımaqtyq bólimsheleriniń jetekshi mamandary qatysty.

Endi budan bylaı, taýarlarǵa elektrondy túrde beriletin deklaratsııa onda jazylǵan málimetterdi rastaıtyn qujattarsyz qabyldanatyn bolady. Sonymen qatar táýekelderdi basqarý júıesi taýarlardy tekserip, táýekelderdi tappaǵan jaǵdaıda olar avtomatty túrde (memlekettik kirister organnyń laýazymdy tulǵanyń qatysýynsyz) shyǵarylatyn bolady.

Bul tásildi keden jáne salyq júıeleriniń ıntegratsııalanýynyń birinshi qadamy retinde qabyldasa bolady.

Sonymen qatar, Astana qalasynda barlyq baqylaýshy organdardy ornalysqan jańa kóliktik-logıstıkalyq ortalyq ashylǵan bolatyn. Bunda syrtqy ekonomıkalyq qyzmetke qatysýshy barlyq keshendi logıstıkalyq qyzmetti ala alady.

Dál osyndaı kedendik rásimdeý aımaqtary elimizdiń basqa da iri qalalarynda ashylmaq.

Budan basqa, kóp ýaqytty qajet etetin baqylaýdyń eń aýyr túrlerin (baǵany baqylaý, taýarlardy klassıfıkatsııalaý t.b.) taýarlardy shyǵarǵannan soń (postfaktým) ótkizý josparlanýda.

Tipti keıbir buryn tekserilgen jáne adal syrtqy ekonomıkalyq qyzmet músheleri úshin barlyq baqylaýdy «postfaktým» rejımine qaldyrý josparlanyp otyr. Atalǵan rásim ákelingen taýarlardy kedendik rásimdeýsiz birden ishki aınalymǵa kirgizýdi múmkindik beredi.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT