+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Elimizde halyqaralyq júk tasymalyna ruqsat kartochkalaryn berý rásimderi jeńildedi

2019 jylǵy 20 qarasha 18:50
Bólisińiz:
Elimizde halyqaralyq júk tasymalyna ruqsat kartochkalaryn berý rásimderi jeńildedi

ALMATY. QazAqparat– Halyqaralyq júk tasymaldaryn júzege asyratyn kólik quraldaryna ruqsat kartochkalaryn berý rásimderi jeńildedi, bul týraly Almaty qalasy boıynsha kóliktik baqylaý ınspektsııasynyń basshysy Hamıtbek Petralıev aıtty, dep habarlaıdy QazAqparat tilshisi.

Uqsas jańalyqtar
Qaraǵandyda jolaýshylar avtobýstary jańartylady Shymkentte 52 qyzmettik kólik elektrondy aýktsıon arqyly satylǵan Almatydaǵy 2 bazarda avtobólshekterdi qujatsyz qabyldap, satqandar anyqtaldy

Baspasóz máslıhatynda, Almaty qalalyq kóliktik baqylaý ınspektsııasynyń basshysy Hamıtbek Petralıev kásipkerlikti qoldaý aıasynda halyqaralyq júk tasymalyn júzege asyrýǵa avtokólik quralyna ruqsat berý kartochkalaryn berý tártibiniń jeńildetilgenin aıtty.

Halyqaralyq avtomobıl tasymaldaryn júzege asyrýǵa ruqsat berý kýáligin jáne ruqsat kartochkasyn alý úshin «Azamattarǵa arnalǵan úkimet» memlekettik korporatsııasy jáne www.egov.kz, www.elicense.kz veb-portaldary arqyly ótinim berýge bolady.

Hamıtbek Petralıev tasymaldaýshylardy deldaldardyń qyzmetine júginbeýge, ruqsat kartochkasyn jáne tıisinshe sheteldik ruqsat blankilerin, sonyń ishinde Qytaı «S» túrindegi ruqsattardy tikeleı alýǵa shaqyrdy.

«Kólik komıteti tasymaldaýshylardyń - kólik týraly jalǵan málimet bergen deldaldardyń shemasyn anyqtady. Memlekettik korporatsııa arqyly olar halyqaralyq júk tasymaldaýǵa arnalmaǵan avtokólik quraldaryna ruqsat kartochkalaryn jáne tıisinshe olardyń negizinde quny 1 AEK quraıtyn sheteldik ruqsat blankilerin aldy. Joǵaryda kórsetilgen ruqsattardy úshinshi tulǵalarǵa satýdan zańsyz paıda alýdan basqa, bul is-áreket ruqsattardyń jasandy tapshylyǵyna jáne ártúrli alaıaqtyq áreketterdiń kóbeıýine ákep soqty»,-deıdi Hamıtbek Petralıev.

Aýmaqtyq kóliktik baqylaý ınspektsııalary KQ memlekettik nómirlerin memlekettik organdardyń tıisti derekter bazasymen salystyrýdy júzege asyrýda. Halyqaralyq júk tasymaldaryn júzege asyrýǵa arnalmaǵan avtomobılder týraly málimetterdi usyný faktileri anyqtalǵan jaǵdaıda, kartochkalardy berý shekteletin bolady.

«Qazirgi tańda ınspektsııa 10 kompanııaǵa qatysty halyqaralyq tasymaldarǵa ruqsat berý kýáligi men kartochkalaryn jaramsyz dep taný týraly sotqa talap-aryzdaryn joldady, olar qazirgi ýaqytta Almaty qalasynyń mamandandyrylǵan aýdanaralyq ekonomıkalyq sotynda qaralyp jatyr. Atalǵan tasymaldaýshylar elicense.kz veb-portaly arqyly kýálik pen ruqsat kartochkalaryn alýǵa ótinim bergen kezde KQ derekterimen sáıkes kelmeıtin qujattardy usynǵan»,- deıdi ol.

Sonymen qatar, ol kólik prokýratýrasy organdarynyń kómegimen 8 kompanııaǵa qatysty, ruqsat berý kartochkalaryn jáne shet memlekettiń aýmaǵy arqyly júrip ótýge sheteldik ruqsatty alý kezinde, jeke kásipkerlermen resmı qujattardy qoldan jasaý jáne kórineý jalǵan qujattardy paıdalaný faktileri boıynsha qylmystyq is qozǵalyp, isti qaraý satysynda turǵandyǵyn atap ótti.

Kásipkerlerdiń yńǵaılylyǵy úshin Mınıstrliktiń resmı saıtynda avtomobıl kóligi bóliminde elder bólinisinde sheteldik ruqsattardyń bolýy jáne qaıtarylýy boıynsha aqparat ornalastyrylǵan. Sondaı-aq, halyqaralyq qatynasta júk tasymaldaýshylaryn sheteldik ruqsattardy elektrondyq ótinim berý júıesinde jáne halyqaralyq júk tasymaldaryn júzege asyrýǵa qatysty basqa da aqparatty ornalastyrý týraly habardar etý maqsatynda aǵymdaǵy jyldyń qarasha aıynyń basynda Komıtet @tasymaldau telegram arnasyn qurdy.

Qazirgi ýaqytta ruqsat berý júıesin qoldaný erejesine ózgerister men tolyqtyrýlar engizildi, onyń ishinde sheteldik ruqsattardy berý kezinde KQ markasy men memlekettik nómiri týraly derekterdi mindetti túrde toltyrý bóliginde. Qazirgi ýaqytta tıisti buıryq Qazaqstan Respýblıkasynyń Ádilet mınıstrliginde tirkelýde.

Bul sharalar sheteldik ruqsattardy úshinshi tulǵalarǵa berý, olardy qaıta satý jáne ruqsattardyń «tapshylyǵyn» qurý jaǵdaılaryn boldyrmaýǵa múmkindik beredi.

Budan basqa, komıtet kólikti tsıfrlandyrý sheńberinde testilik rejimde Qytaı Halyq Respýblıkasymen shekaradaǵy «Nur-joly» avtomobıl ótkizý pýnktinde avtomattandyrylǵan rejimde sheteldik ruqsat blankilerin berý boıynsha pılottyq jobany engizdi. Atalǵan jobany Qytaı tarapy qoldady jáne qazannyń úshinshi onkúndiginde osy jobany engizý boıynsha qosymsha kezdesý ótkizildi.

«Ruqsat blankilerin elektrondyq formatqa aýystyrǵannan keıin jáne olardy avtomatty rejimde berýdi júzege asyrǵannan keıin blankilerdiń «tapshylyǵy» jáne olardy úshinshi tulǵalarǵa berý máseleleri joıylady, - dep qortyndylady Hamıtbek Petralıev.

Bizdiń kanalymyzǵa jazylyńyz:

Basty sózder: Almaty, Kólik,
Bólisińiz:

Avtor:

Alma Muqanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT