+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Elimizde «E-Qurylys» aqparattyq júıesi tanystyryldy

2021 jylǵy 3 tamyz 14:14
Bólisińiz:
Elimizde «E-Qurylys» aqparattyq júıesi tanystyryldy

NUR-SULTAN. QazAqparat - Elimizde «E-Qurylys» aqparattyq júıesi tanystyryldy. Memlekettik tapsyrys pen salynyp jatqan qurylys nysandarynyń ashyqtyǵyn qamtamasyz etýdi kózdegen jańa júıeniń jumysy týraly QR Indýstrııa jáne ınfraqurylymdyq damý mınıstrliginiń birinshi vıtse-mınıstri Qaıyrbek Óskenbaev aıtyp berdi, dep habarlaıdy QazAqparat tilshisi.

«Elimizde qurylys nysandarynyń salyný barysynyń ashyqtyǵyna qatysty suraqtar kóp. Kóp adamdar qurylystyń qalaı júrip jatqanyn, oǵan qandaı materıaldar qoldynylyp jáne qansha turatynyn bile qoımaıdy. Qazirgi ýaqytta nysannyń salyný barysy jýrnalǵa tirkelip, sol jerge jazylady. ıAǵnı bar qolmen jazylyp kórsetiledi. Memlekettik baǵdarlama nemese memlekettik tapsyrys aıasynda turǵyzylyp jatqan qurylys nasyndarynyń ashyqtyǵyn jarııa etý maqsatynda «E-Qurylys» aqparattyq júıesi ázirlendi. Qurylys nysanyna jumsalǵan árbir teńge Blockchain-platformasy arqyly aqparattyq júıede kórinip turady. Nátıjesinde bıýdjetten jumsalǵan qarjynyń ashyqtyǵyna kóz jetkizý múmkindigi týady», - dedi Q. Óskenbaev baspasóz máslıhatynda.

Vıtse-mınıstrdiń aıtýynsha, búginde jańa júıe memlekettik baǵdarlama aıasynda salynyp jatqan qurylys nysandarynda qoldanylady. Al tolyqtaı «E-Qurylys» aqparattyq júıesi kelesi jyldan bastap iske qosylady.

«Sonymen qatar, aqparattyq júıede qoldanylyp jatqan qurylys materıaldarynyń tizimi, baǵasy men onyń sıpattamasy kórinip turady. Osylaısha qurylys salasyn avtomattandyra otyryp, ashyqtyqty qamtamasyz etpekpiz», - deıdi ol.

Buǵan deıin vıtse-mınıstr qurylys nysandarynyń barysyn baqylaıtyn ahýaldyq ortalyqtyń qurylǵanyn málim etti.



Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT