+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Elimizde bıýdjet shyǵynynyń 45 paıyzy áleýmettik salaǵa tıisti

2021 jylǵy 10 qyrkúıek 18:22
Bólisińiz:
Elimizde bıýdjet shyǵynynyń 45 paıyzy áleýmettik salaǵa tıisti

NUR-SULTAN. QazAqparat – Qazaqstanda qazyna shyǵynynyń 45 paıyzy azamattardyń quqyqtary men múddelerin qorǵaý maqsatyna ıaǵnı áleýmettik damýǵa baǵyttalǵan. QR Esep komıtetiniń tóraǵasy Natalıa Godýnova osylaı málim etti, dep habarlaıdy QazAqparat tilshisi.

«Konstıtýtsııaǵa sáıkes Qazaqstan áleýmettik memleket. Elimizde jyl saıyn shyǵynnyń shamamen 45%-y azamattardyń quqyǵy men múddesin qorǵaý maqsatyna ıaǵnı áleýmettik damýǵa baǵyttalady. Onyń qatarynda bilim berý, densaýlyq saqtaý, áleýmettik qorǵaý jáne mádenıet bar. Atap aıtsaq, bizdiń elimizde orta jáne kásiptik-tehnıkalyq bilim tegin beriledi, barlyq azamat kepildendirilgen tegin medıtsınalyq kómek kólemimen qamtamasyz etilgen. Sol sııaqty áleýmettik qorǵalmaǵan azamattar ataýly áleýmettik kómek alady, áleýmettik jáne medıtsınalyq saqtandyrý júıelerinde memleket erekshe qajettilikteri bar adamdar men zeınetkerlerdiń shyǵystaryn da kóterip otyr», - dedi N. Godýnova halyqaralyq kontserentsııada jasaǵan baıandamasynda.

Sondaı-aq, komıtet basshysy atalǵan álemettik shyǵynnyń qandaı salalarǵa baǵyttalǵanyn aıtyp berdi.

«Bul negizinen «Eńbek» jumyspen qamtý baǵdarlamasy, «Bıznestiń jol kartasy», «Nurly jer» turǵyn úı baǵdarlamasy, AÓK-ti (agroónerkásiptik keshen) damytý, «Aýyl – el besigi» jobalary ekonomıkany turaqtandyrýǵa baǵyttaldy. Odan bólek, COVID-19 indetin taratpaýǵa arnalǵan sharalarǵa jumsalǵan shyǵyn bar. Osylaısha Esep komıtetiniń Úkimetke aıtqan usynymdarynan keıin artylǵan qarajattyń keminde 20%-yn neǵurlym shuǵyl sheshimdi talap etetin máselelerge qaıta bólýge múmkindik berip otyr», - deıdi ol.

Aıta ketsek, búgin elordada onlaın-formatta Esep komıtetiniń 25 jyldyǵyna arnalǵan «Jańa tarıhı shyndyq jaǵdaıyndaǵy memlekettik aýdıt júıesi» atty halyqaralyq ǵylymı-praktıkalyq konferentsııa ótip jatyr. Atalǵan sharaǵa Prezıdent Ákimshiligi, QR Úkimeti men qatar 27 eldiń joǵary aýdıt organdarynyń ókilderi, sonymen qatar 11 joǵary oqý orny men 17 tekserý komıssııasynyń ókilderi qatysyp jatyr.



Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT