+7 (701) 759 90 19
USD 389.86 EUR 435.32
RUB 6.12 CNY 55.12
Jańalyqtar

Elimizde bes kúnde 22 adam sýǵa ketti

2019 jylǵy 20 shilde 18:48
Bólisińiz:
Elimizde bes kúnde 22 adam sýǵa ketti

NUR-SULTAN. QazAqparat – 15-19 shilde aralyǵynda Qazaqstan boıynsha 22 adam sýǵa ketken. Bul týraly QazAqparat QR Іshki ister mınıstrliginiń tótenshe jaǵdaılar komıtetiniń baspasóz qyzmetine silteme jasap habarlaıdy.

Uqsas jańalyqtar
Maqtaaralda bir jasar sábı sý toly ydysqa qulap ketti Bıylǵy shomylý maýsymynda 266 adamnyń ajaly sýdan keldi Qyzylordada eki bala sýǵa batyp ketti

Aptap ystyqta ajalyn sýdan tapqan 22 adamnyń 8-i bala.

Komıtettiń málimetinshe, qaıǵyly oqıǵalar Nur-Sultan qalasy men Aqmola, Batys Qazaqstan, Pavlodar, Túrkistan, Aqtóbe, Almaty, Qostanaı, Soltústik Qazaqstan, Shyǵys Qazaqstan, Qaraǵandy oblystarynda tirkelgen.

Tótenshe jaǵdaı mamandary sýǵa ketkenderdiń kóbi tyıym salynǵan jáne jabdyqtalmaǵan oryndarda shomylǵanyn aıtady. Onyń ishinde mas kúıde sýǵa túskender de bar. Sýda júze bilmeý, óz kúshin jete baǵalamaý, balalardy sý qoımalarynyń janynda qaraýsyz qaldyrý sııaqty sebepter de qaıǵyly jaıttarǵa ákep soqtyrǵan.

«Ata-analardy balalaryn sý qoımalaryna, aryq-toǵandarǵa qaraýsyz jibermeýge shaqyramyz. Shilde aıynda sýǵa shomylýshylar qatary kúrt kóbeıedi. Ázirge aptap ystyqtyń qaıtatyn túri joq. Sınoptıkterdiń boljamynsha, mundaı ystyq shilde aıynyń sońyna deıin saqtalmaq. Sondyqtan, eresekter qaýipsizdik týraly oılanyp, sý aıdyndary men arnalardyń mańynda balalardy qaraýsyz qaldyrmaýy kerek», - delingen baspasóz aqparatynda.

Tótenshe jaǵdaılar komıteti azamattardy sý aıdynynda mynadaı qaýipsizdik erejelerin saqtaýǵa shaqyrady:

- esirtki men ishimdik tutynyp sýǵa túspeý;

- qaıyq, kater, úrlemeli matras sııaqty júzý quraldarynan jáne aılaqtardan sýǵa sekirmeý;

- tekserilmegen jáne jabdyqtalmaǵan jerlerde súńgimeý;

- júzýdiń shekarasyn aıqyndaǵan belgiden aspaý;

- júzýge arnalmaǵan zattarmen júzbeý;

- qozǵalystaǵy qaıyq-kemelerege jaqyndamaý;

- sý qoımalaryn lastamaý;

- jaǵada jáne kıim sheshetin oryndarda demalýshylarǵa jaraqat keltirýi múmkin qoqystardy qaldyrmaý;

- ázildep kómekke shaqyrmaý;

- tehnıkalyq jáne eskertý belgilerine shyqpaý;

- balalardy óz betimen sýǵa jibermeý;

- sý ishinde balany qaraýsyz qaldyrmaý.

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT