+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Elimizde benzın baǵasyn ymyralasý arqyly kóterý belgileri anyqtalǵan joq

2021 jylǵy 11 mamyr 15:53
Bólisińiz:
Elimizde benzın baǵasyn ymyralasý arqyly kóterý belgileri anyqtalǵan joq

NUR-SULTAN. QazAqparat – Elimizdiń óńirlerinde benzın baǵasyn ymyralasa otyryp kóterý belgileri anyqtalǵan joq. Bul jaıynda Májilis depýtattarynyń saýalyna QR Premer-Mınıstriniń orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Básekelestikti qorǵaý jáne damytý agenttigi Janar-jaǵarmaı quıý stansalaryndaǵy munaı ónimderiniń baǵasyna turaqty negizde monıtorıng júrgizedi. Básekelestik jaı-kúıine saraptama júrgizý jáne baǵanyń ósý sebebin baǵalaý maqsatynda naryq sýbektilerine tıisti suranys jiberildi. Usynylǵan aqparattarǵa saraptamanyń nátıjesinde Janar-jaǵarmaı quıý stansalarynyń 4 iri jelisi men 6 óńirlik jelisine (Soltústik, Qazaqstan, Shyǵys Qazaqstan, Qostanaı jáne Aqmola oblystary) básekelestikti qorǵaý salasyndaǵy zańnamany buzý belgileri boıynsha eskertý jiberildi», - delingen Roman Sklıardyń jaýabynda.

Onyń atap ótýinshe, atalǵan jeliler bir aıdyń ishinde eskertýdi oryndamaǵan jaǵdaıda Kásiprkelik kodeksine sáıkes tergeý júrgiziletin bolady.

«Elimizdiń óńirlerinde baǵa ymyralasý belgileri anyqtalǵan joq. Biraq, baǵa ósimi oryn alǵan. Naryq qatysýshylaryna monopolııaǵa qarsy zańnama normalaryn túsindirý jáne baǵany negizsiz kótergeni úshin jaýapkershilik boıynsha is-sharalar qabyldandy. Munaıónimderin bólshek jáne kóterme satý naryǵyndaǵy baǵaǵa monıtorıng júrgizý júmystary jalǵasýda», - dep jazdy Úkimet basshysynyń orynbasary.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT