FÝTBOLDAN ÁLEM ChEMPIONATY-2022
  Jańalyqtar  >

Elimizde baspana jaldaý naryǵy tolyq rettelmegen – mınıstr

2022 jylǵy 26 qyrkúıek, 19:06
Elimizde baspana jaldaý naryǵy tolyq rettelmegen – mınıstr

ASTANA. QazAqparat – QR Eńbek jáne halyqty áleýmettik qorǵaý mınıstri Tamara Dúısenova baspanany jalǵa berý qunynyń qymbattaýna qatysty pikir bildirdi, dep habarlaıdy QazAqparat tilshisi.

«Jalpy, bizde baspana jaldaý naryǵy sońyna deıin rettelmegen jáne onyń basym bóligi –kóleńkede jatyr. Bul máseleni qaraý jáne óz usynystaryn engizý úshin Básekelestikti qorǵaý jáne damytý agenttigine arnaıy jeke tapsyrma berilgen. Jaqynda agenttik osy baǵyt boıynsha óz usynystaryn beredi dep oılaımyn. Meniń jeke pikirim – ıá, bul páter ıeleriniń de, jalǵa alýshylardyń da múddeleri qorǵalatyndaı etip rettelýi kerek», - dedi Tamara Dúısenova Ortalyq kommýnıkatsııalar qyzmetinde ótken baspasóz máslıhatynda.

Mınıstrdiń aıtýynsha, bul páterdi kimge, qanshaǵa jalǵa berý kerek degendi bildirmeıdi, naryq retinde retteý qajet.

«Jaldaý tizilimi qurylyp, qansha páter jalǵa beriletini, olardyń qansha salyq tólegeni, múddelerin qanshalyqty qorǵaý qajet bolatyny túsinikti bolsa deımin. Mysaly, pandemııa kezinde bıznesi toqtap qalǵandyqtan qansha adam memleketten kómek aldy. Osy turǵydan rettelýi qajet dep oaımyn, memlekettiń de, osy bıznespen aınalysatyn adamdardyń múddeleri qorǵalýy kerek», - dedi Tamara Dúısenova.


Uqsas jańalyqtar
Seriktester jańalyqtary

Jańalyqtar