+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Elimizde astyq baǵasy qymbattady

2019 jylǵy 27 qyrkúıek 19:40
Bólisińiz:
Elimizde astyq baǵasy qymbattady

PETROPAVL. QazAqparat – Soltústik Qazaqstan oblysynda «Azyq-túlik kelisimshart korporatsııasy UK» AQ fılıaly jańa astyqty qabyldaý úshin óńirdegi 12 elevatormen kelisimge otyrdy, dep habarlaıdy QazAqparat tilshisi.

Uqsas jańalyqtar
Biryńǵaı valıýtalyq odaq qurý qarastyrylǵan emes - Erbolat Dosaev Qolma-qol aqshasyz tólemderdi tekserý usynysy talqylanýda – Ulttyq bank Asqar Mamın birqatar óńirdiń ákimine ónerkásip kórsetkishterin jaqsartýdy tapsyrdy

Birer kún buryn bıylǵy bıdaıdy satyp alý baǵasyn jarııalaǵan «Azyq-túlik kelisimshart korporatsııasy Ulttyq kompanııasy» AQ memlekettik qorǵa 1 mln tonnaǵa deıin astyq qabyldamaq. Astyqtyń tonnasy ótken jylmen salystyrǵanda shamamen 15 myń teńgege deıin qymbattady.

«Qyrkúıek aıynyń basynda biz bıdaıdyń tonnasyna 62 myń teńge berdik. Treıderler bizge qarap byltyrǵy baǵa – 65 myń teńgeden ala bastady. Keıin bıylǵy egin oraǵyna baılanysty, ári dıqandar da qymbattatýdy suraǵannan keıin saralaı kele 70 myń teńgege deıin kóterdik. 3 klasty bıdaıdyń tonnasyn sapasyna qaraı 76 myń teńgege deıin, 4 klasty astyqty 65 myń teńgeden alamyz. Bıyl 5-klasty bıdaıdy qus fermalarynyń suranysyna qaraı jemazyqqa 55 myń teńgeden qabyldap jatyrmyz», - deıdi «Azyq-túlik kelisimshart korporatsııasy UK» AQ SQOF dırektory Ramazan Ásip.

Azyq-túlik kelisimshart korporatsııasynyń satyp alatyn astyqqa qatysty birqatar talaptary bar. Máselen, 3 klasty bıdaıdyń ylǵaldylyǵy – 14, al quramyndaǵy kilegeı mólsheri – 23 protsentten kem bolmaýy tıis. Al 4-klasty bıdaıdyń natýrasy – 700, kilegeıligi 20 jáne ylǵaldylyǵy 14 protsentten aspaǵan jaǵdaıda tonnasy 65 myń teńgeden alynady. Qazirdiń ózinde ulttyq kompanııa 2 myń tonnadan astam bıdaı satyp aldy.

Jalpy bıyl el boıynsha memlekettik qorǵa 1 mln tonnaǵa deıin astyq qabyldaý josparlanǵan. Osy maqsatta SQO-da 12 elevatormen kelisimshart jasaldy. Bul - dıqandarǵa da tıimdi bolmaq. Korporatsııaǵa astyǵyn satqan aýyl sharýashylyǵy taýaryn óndirýshiler óz bıdaıyn munda esh kedergisiz, kezeksiz ótkize alady. Al kelesi jyly ulttyq kompanııa dıqandardan ónimdi forvardtyq kelisim boıynsha almaq. ıAǵnı sharýalarǵa tuqym, jaǵarmaı alýǵa bolashaq astyq esebinen kepilsiz nesıe beriledi.

Aqerke Dáýrenbekqyzy

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT