+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Elimizde áleýmettik mańyzy bar 500 joba júzege aspaq

2020 jylǵy 26 qarasha 14:38
Bólisińiz:
Elimizde áleýmettik mańyzy bar 500 joba júzege aspaq

NUR-SULTAN. QazAqparat – «Samruk-Kazyna Trust» áleýmettik jobalardy damytý qory áleýmettik mańyzdy 500 jobany júzege asyrdy. Bul týraly qordyń korporatıvtik qyzmetiniń jetekshisi Mıras Іrgebaev Donorlar forýmynda aıtyp berdi, dep habarlaıdy QazAqparat tilshisi.

«Samruk-Kazyna Trust» qory 10 jylǵa jýyq ýaqyt boıy jumys istep keledi jáne áleýmettik mańyzy bar jobalardy jasaýda mol tájirıbesi bar. Osy 10 jylda áleýmettik mańyzy bar 500 jobany júzege asyra aldyq, 1,5 mıllıonnan astam adam kómek aldy. Qorymyz birizdilik, tıimdilik jáne áleýmettik mańyz qaǵıdattaryna negizdelip jumys isteıdi. Biz úshin qandaı da bir máseleniń júıeli túrde sheshilýi óte mańyzdy. Oǵan qosa, óz qyzmetimizde birrettik qaıyrymdylyqtan bas tarttyq. Biz árdaıym belgili bir máselelerdi sheshý kezinde bolashaqta bul problemanyń yqpalyn azaıtý úshin onyń sebepterin tolyqqandy zertteımiz», - dedi M. Іrgebaev «Qazmedıa» ortalyǵynda ótken Donorlar forýmynda.

Spıkerdiń pikirinshe, karantın jaǵdaıyndaǵy jumys donorlyq praktıkaǵa jańa quraldardy engizýge yqpal etedi.

Qor bıyl da koronavırýs pandemııasyna qaramastan óz jobalaryn jalǵastyryp keledi. Karantınde jumystyń kóp bóligi onlaın júrip jatyr. Osylaısha, «Zamandas» balalar aýla klýbtarymen yntymaqtastyq jalǵasýda, onda halyqtyń áleýmettik osal toptarynan shyqqan balalar qosymsha bilim alady. Al «Deni saý balalar» jobasynda tserebraldy sal aýrýy dıagnozy bar balalarǵa konsýltatsııalar onlaın-formatta kórsetilip jatyr.

«Sonymen birge, «Samruk-Kazyna Trust» qory Tuńǵysh Prezıdent Qorymen birlesip BTsP dıagnozy bar balalarǵa arnalǵan 8 ońaltý ortalyǵyn jáne 6 psıhologııalyq túzetý kabınetin qurý jobasyn iske asyrýda», - deıdi M. Іrgebaev.

Aıta keteıik, forýmdy QR Aqparat jáne qoǵamdyq damý mınıstrliginiń qoldaýymen Azamattyq bastamalardy qoldaý ortalyǵy uıymdastyrǵan. Forým qorytyndysy boıynsha Qazaqstannyń IX Azamattyq forýmynyń qarar jobasyna usynystar men usynymdar ázirlenedi.

Buǵan deıin QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet «Qaıyrymdylyq týraly» zańǵa usynylǵan ózgeristerdi aıtyp bergen edi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT