+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Elimizde 76 mlrd tonnany quraıtyn munaı-gaz resýrstary bar dep boljanýda

2020 jylǵy 18 aqpan 09:36
Bólisińiz:
Elimizde 76 mlrd tonnany quraıtyn munaı-gaz resýrstary bar dep boljanýda

NUR-SULTAN. QazAqparat - Kaspıı mańy basseıniniń tereń qabattarynyń áleýeti áli tolyqtaı baǵalanǵan joq.

Bul týraly búgin Úkimet otyrysynda Geologııalyq barlaýdyń 2021-2025 jyldarǵa arnalǵan memlekettik baǵdarlamasynyń tujyrymdamasyn tanystyrǵan QR Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Kómirsýtegi týraly aıtar bolsaq, elimizdiń 15 shógindi basseınderinde shamamen 76 mlrd tonnany quraıtyn munaı-gaz resýrstary bar dep boljanýda. Bul shógindi basseınderdiń geologııalyq zerttelý dárejesi ártúrli. Onyń beseýi ıgerilgen, beseýi az zerttelgen jáne beseýiniń perspektıvasy tómen. Kaspıı mańy, Ústirt-Bozashy, Mańǵyshlaq, Ońtústik Torǵaı, Zaısan basseınderiniń tereń qabattaryn geologııalyq izdestirý-baǵalaý jumystaryna jeke ınvestıtsııalar tartý josparlanýda. Az zerttelgen Soltústik-Torǵaı, Ertis mańy, Aral, Syrdarııa, Shý-Sarysý shógindi basseıni aýmaqtarynda geologııalyq zertteýdi memlekettik bıýdjet esebinen júrgizý qajet dep esepteımiz», - dedi Maǵzum Myrzaǵalıev.

Onyń aıtýynsha, 2019 jyly memlekettik bıýdjet esebinen qatty paıdaly qazbalarǵa izdeý jumystaryn júrgizý kezinde Úlken Qarataýda munaı kózi anyqtaldy. Endi osy aýmaqtyń perspektıvasyn anyqtaý úshin geologııalyq barlaý jumystaryn ári qaraı jalǵastyrý kerek.

«90-shy jyldary júrgizilgen zamanaýı seısmıkalyq zertteýlerdiń nátıjesinde Qashaǵan, Qalamqas-Teńiz, Soltústik Trýva jáne de basqa ken oryndary ashyldy. Búgingi kúni eski seısmıkalyq málimetter kóp bolǵanymen, onyń sapasy men naqtylyǵy qazirgi talaptarǵa sáıkes kelmeıdi. Sol sebepti, Kaspıı mańy basseıniniń tereń qabattarynyń áleýeti áli tolyqtaı baǵalanǵan joq. Bul basseın ınvestorlar úshin tartymdy aımaq. Qazirgi kezde kóptegen otandyq jáne sheteldik kompanııalar osy basseınde geologııalyq zertteý júrgizýge degen ózderiniń nıetterin bildirýde. Sondyqtan da, jańartylǵan geologııalyq aqparatty alý úshin zamanaýı seısmobarlaý jumystaryn júrgizý qajet», - dedi mınıstr.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT