Jańalyqtar  >

Elimizde 61 myń jetim bala baspana kezeginde tur

2022 jylǵy 3 qazan, 12:17
Elimizde 61 myń jetim bala baspana kezeginde tur

ASTANA. QazAqparat – Qazaqstanda 61 myń jetim bala baspana kezeginde tur. Bul týraly QR Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary Baýyrjan Qabdol málim etti, dep habarlaıdy QazAqparat tilshisi.

«Búgingi tańda elimiz boıynsha 621 myńnan astam adam baspana kezeginde tur. Onyń ishinde 432 myńy áleýmettik osal daǵdaıdaǵy adamdar. Bulardyń ishinde eń osal jáne turǵyn úı máslelerin sheshýge asa muqtaj adamdardyń tórt basym sanaty bar»,- dedi ol ortalyq kommýnıkatsııadar qyzmetinde ótken brıfıngide.

Komıtet ókili atalǵan 4 basym sanattyń árqaısysy boıynsha qansha adam baspana kezeginde turǵanyn atady.

«Birinshisi – kópbalaly otbasylar. Olar – 91 myń azamat. Ekinshisi – birinshi jáne ekinshi toptaǵy múgedektigi bar adamdar. Mundaı 51 myń azamat bar. Úshinshisi – múgedektigi bar balasy bar otbasylar, 24 myń azamat kezekte tur. Tórtinshisi – jetim balalar, 61 myń azamat tur», - dedi Baýyrjan Qabdol.


Uqsas jańalyqtar
Seriktester jańalyqtary

Jańalyqtar