USD 434.34 EUR 491.93
RUB 5.56 CNY 68.67
Jańalyqtar

Elimizde 45 myńnan astam qart arnaýly áleýmettik qyzmetpen qamtylǵan

2021 jylǵy 1 qazan 11:09
Bólisińiz:
Elimizde 45 myńnan astam qart arnaýly áleýmettik qyzmetpen qamtylǵan

NUR-SULTAN. QazAqparat – Qazaqstanda egde jastaǵy 45 myńnan astam jan memleket tarapynan kórsetiletin arnaýly áleýmettik qyzmetpen qamtylǵan, dep habarlaıdy QazAqparat QR Eńbek jáne halyqty áleýmettik qorǵaý mınıstrligine silteme jasap.

Habarlamada aıtylǵandaı, egde jastaǵy qazaqstandyqtardy qoldaýdyń bir tetigi arnaýly áleýmettik qyzmet kórsetý.

Mınıstrliktiń málimetinshe, búgingi tańda 45 myńnan astam qart AÁQ-men (arnaýly áleýmettik qyzmet) qamtylǵan. Qarttarǵa arnalǵan qyzmetter qatarynda 45 statsıonarlyq úlgidegi uıymda (medıtsınalyq-áleýmettik mekemeler) jáne 43 jartylaı statsıonarda (kúndiz bolý bólimsheleri jáne ońaltý ortalyqtary) em alý jatady.

Sondaı-aq, elimiz boıynsha 357 áleýmettik kómek kórsetý bólimshesi men memlekettik áleýmettik tapsyrys aıasynda 136 úkimettik emes uıym qazaqstandyq qarttardy óz qamqorlyǵyna alǵan.

«Áleýmettik qyzmet kórsetý mekemeleri 8 qyzmet túrin usynady. Atap aıtqanda, áleýmettik-ekonomıkalyq, áleýmettik-quqyqtyq, áleýmettik-eńbek, áleýmettik-mádenı, áleýmettik-psıhologııalyq, áleýmettik-pedagogıkalyq jáne áleýmettik-medıtsınalyq qyzmet túri bar. Áleýmettik qyzmetkerler aptasyna keminde 2 ret kómek alatyn qarttardyń úıine baryp turady. Bizdiń mamandar egde jastaǵy azamattardyń jaǵdaıyn bilip, olarǵa qol ushyn sozady. Sonymen qatar Úkimet tarapynan kórsetiletin kómekterdi usynyp, qyzmet kórsetedi», – dedi atalǵan mınıstrlikke baǵynysty Áleýmettik kómek saıasatyn damytý departamentiniń dırektory Asqar Nııazov.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT