+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Elimizde 4 myńnan asa «satýshysyz dúken» bar

2019 jylǵy 14 qarasha 18:40
Bólisińiz:
Elimizde 4 myńnan asa «satýshysyz dúken» bar

NUR-SULTAN. QazAqparat – Elordada «Adaldyq alańy» respýblıkalyq jobalyq keńse qyzmetiniń bıylǵy 10 aıdaǵy qorytyndysyna arnalǵan otyrys ótti, dep habarlaıdy QazAqparat tilshisi.

«Ótken kezeńde jobalyq keńselerge júgingen 3 myńnan astam azamat óziniń buzylǵan quqyqtaryn tolyǵymen qalpyna keltirip, máselelerin oń sheshti. Memlekettik organdardyń ashyqtyǵy men qol jetimdiligin arttyrý úshin yńǵaıly front-keńseleri bar servıstik ákimdikter ashylýda (aýdandyq ákimdikter men aýyldyq okrýgter deńgeıine deıin), 686 memlekettik organ kabınettik júıeden «Open Space» formatyna aýystyryldy, 3774 memlekettik mekeme birinshi basshylarynyń memlekettik organ ǵımarattarynyń birinshi qabatyna kóshýi júzege asyryldy. Qoǵamdaǵy senim atmosferasy – sybaılas jemqorlyqty túbegeıli joıýdyń bir tetigi bolyp tabylady. Ol úshin alǵashqy qadamdar da jasalǵan, mysaly elimiz boıynsha 4344 «satýshysyz dúken» bar. Bul óz kezeginde satyp alýshyǵa degen senimdi bildiredi», - delingen sybaılas jemqorlyqqa qarsy is-qımyl agenttiginiń habarlamasynda.

Sonymen qatar, bıýdjet qarajatyn tıimdi bólý jáne únemdeý maqsatynda ákimshilik shyǵyndardy azaıtý jolymen memlekettik organdardy, medıtsınalyq, bilim berý mekemelerin transformatsııalaý óz jalǵasyn tabýda.


Shtat sanyn ońtaılandyrý jáne qaıtalanatyn fýnktsııalardy alyp tastaý jolymen memlekettik mekemelerdi transformatsııalaýdyń tabysty tájirıbesi bar.

Búgingi tańda «Adaldyq alańy» jobasy elimizdiń barlyq óńirlerinde jáne ortalyq memlekettik organdar deńgeıinde júzege asyrylýda. Jaqyn arada barlyq mınıstrlikter men vedomstvolarda «Adaldyq alańy» jobalyq keńseleriniń ashylýy kútilýde.

«Adaldyq alańy» jobasy memleket pen qoǵam arasyndaǵy «kópir» degendi bildiredi, onyń arqasynda qoǵam ókilderi sybaılas jemqorlyqqa qarsy júrgizilip jatqan saıasat jóninde óz kózqarasyn ǵana emes, ony iske asyrýǵa tikeleı qatysa alady», – dedi Sybaılas jemqorlyqqa qarsy is-qımyl agenttiginiń basshysy Alık Shpekbaev.


Aıta keteıik, jobanyń basty ıdeıasy – turmystyq jemqorlyqty joıý, sybaılas jemqorlyqqa qarsy mádenıetti qalyptastyrý, parasattylyq ıdeologııasyn aýqymdy deńgeıde keńeıtý jáne qoǵamdyq baqylaýdy kúsheıtý.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT