+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Elimizde 1554 múlik ıeleriniń birlestigi qurylǵan

2021 jylǵy 16 shilde 13:15
Bólisińiz:
Elimizde 1554 múlik ıeleriniń birlestigi qurylǵan

NUR-SULTAN. QazAqparat – Qazaqstandaǵy páter ıeleriniń basyn biriktiretin 7499 uıymnyń 1554-i – múlik ıeleriniń birlestigi, dep habarlaıdy QazAqparat.

Bul týraly «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary Nurbek Serikov ortalyq kommýnıkatsııalar qyzmetinde ótip jatqan brıfıngide aıtty.

«Búginge deıin jańa basqarý formasyndaǵy 7499 birlestik quryldy. Onyń ishinde 1554-i – múlik ıeleriniń birlestikteri. MIB qurýdyń ereksheligi páter ıeleriniń iske tikeleı arasyýyna baǵyttalǵan. Mysaly, birneshe úıdi biriktiretin páter ıeleri kooperatıvterinde onyń músheleri menshik ıeleri emes. Sondyqtan olar MIB qurýǵa qatysa almaıdy. Al MIB jumysynda múlik ıeleriniń daýys berýi júrgiziledi. ıAǵnı, árbir páter ıesiniń erki men talaby eskeriledi. Osy daýystardy esepteı kelip, ortaq sheshim shyǵarylady. Sol boıynsha hattama toltyrylyp, halyqqa qyzmet kórsetý ortalyqtary arqyly ádilet organdaryna joldanady. ıAǵnı, PIK-ti MIB-ke aınaldyra salý múmkin emes. Bul - óz aldyna jańa qurylym. MIB - kommertsııalyq emes uıym ekenin túsiný kerek», - dedi Nurbek Serikov.

Onyń aıtýynsha, páter ıeleri kooperatıvteri men múlik ıeleri birlestiginiń arasyndaǵy daý boıynsha 68 is sotta qaralyp jatyr.

«PIK ókilderiniń qarjylyq-tehnıkalyq esepterdi durys ótkizbeýi boıynsha máseleler bar. Respýblıka boıynsha 68 sot isi qaralyp jatyr. Onyń jartysy PIK tóraǵalarynyń jáne músheleriniń páter ıeleriniń jıynyndaǵy sheshimine qarsy shaǵym túsirýimen baılanysty. Taǵy bir jartysy qarjylyq-tehnıkalyq qujatty ótkizý aktisimen baılanysty. Árıne, kóbine mundaı daýlar turǵyndardyń múddesine oraı sheshilip jatyr. Óıtkeni qarjylyq-tehnıkalyq qujatty tapsyrý tártibi zańmen bekitilgen. Páter ıeleriniń jıynynda sheshim shyǵarý tártibi de naqty bekitilgen. Sondyqtan sot organdary zań aıasynda turǵyndardyń múddesine saı sheshim shyǵaryp otyr», - dedi «Turǵyn úı kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarma tóraǵasynyń orynbasary.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT