+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

«Elim-aı» - Qazaqstannyń úzdik tabıǵat qorǵaýshylary marapattaldy

2020 jylǵy 23 qazan 19:00
Bólisińiz:
«Elim-aı» - Qazaqstannyń úzdik tabıǵat qorǵaýshylary marapattaldy

NUR-SULTAN. QazAqparat – Elordada orman sharýashylyǵy men janýarlar dúnıesin saqtaý salasyndaǵy «Elim-aı» syılyǵynyń jeńimpazdary marapattaldy, dep habarlaıdy QazAqparat tilshisi.

Uqsas jańalyqtar
BQO-da zańsyz kıik aýlaýmen aınalysqan eki qylmystyq top ustaldy Brakoner: Túrkistan oblysynda 5 ekologııalyq qylmys áshkere boldy

Jıynda elimizdiń úzdik ınspektorlary, ormanshylary jáne ekobelsendiler 16 atalym boıynsha marapattaldy. Saltanatty rásimge mınıstrler, depýtattar, Olımpıada chempıondary jáne Qazaqstannyń belgili qoǵam qaıratkerleri qatysty.

«Janýarlar álemi men orman sharýashylyǵy salasyndaǵy mamandar qıyndyq pen táýekelge toly qyzmet atqarady. Ómirin báıgege tigip, tabıǵat pen jan-janýarlardy kún-tún demeı kúzetip júredi. Ótken jyly aqbókenderdi qorǵaý jolynda qoryqshylarymyz – Erlan Nurǵalıev pen Qanysh Nurtazınovtyń brakonerler qolynan qaza tapqanyn eshkim umytqan joq. Prezıdentimiz Qasym-Jomart Toqaev memlekettik ınspektorlardyń mártebesin kóterip, qoldaýdy kúsheıtýdi tapsyrdy. Brakonerlik úshin jaza qataıdy. Búgingi shara – osynaý ıgi jolda qurban bolǵan, óz isine shyn berilgen azamattardyń eńbegin eskerýdiń bir ǵana kórinisi», - dedi QR Ekologııa, geologııa jáne tabıǵı resýrstar mınıstri Maǵzum Myrzaǵalıev jıynnyń ashylýynda.



Onyń aıtýynsha, «Elim-aı» marapatyn jyl saıyn dástúrli túrde ótkizý josparlanyp otyr.

Baıqaý nátıjesinde «Janýarlar dúnıesin qorǵaý jónindegi úzdik ınspektor» atalymynda «Ohotzooprom» Ortalyq aımaqtyq bólimshesiniń ınspektory Murat Álıev marapattaldy.

«Brakonerlermen kúrestegi úzdik erligi úshin» nomınatsııasy boıynsha «Ohotzooprom» Aqmola oblysyndaǵy fılıalynyń ınspektory Dostaı Nurbekov marapattaldy.Ol 2016 jyly brakonerlermen shaıqasta jaraqat alǵan.

Orman sharýashylyǵy salasynda 30 jyldan astam ýaqyt jumys istegen Erkin Qabdyǵalıev (Shyǵys Qazaqstan oblysynyń «Samar orman sharýashylyǵynyń» dırektory) «Eldiń úzdik ormanshysy» atandy.

«Orman sharýashylyǵyn damytýdaǵy óz isine adaldyǵy úshin» «Semeı ormany «MOTR» RMM Semeı fılıalyndaǵy Batpaev ormanshylyǵynyń basshysy Aleksandr Trýshın marapattaldy. Onyń eńbeginiń arqasynda ormanshylyqta birde-bir iri órt bolmaǵan.

«Orman sharýashylyǵynyń eńbek sińirgen ardageri» nomınatsııasy «Kólsaı kólderi» ulttyq parkiniń basshysy, orman sharýashylyǵynyń ardageri Hamıt Ahmetovke berildi. H. Ahmetov – bıologııa ǵylymdarynyń kandıdaty jáne 30-ǵa jýyq ǵylymı maqalanyń avtory.

«Úzdik balyq ósirýshi» atalymynda balyq sharýashylyǵynyń basshysy, ıhtıolog Marlen Tursynáli, al «Úzdik balyq tálimbaǵy» retinde Qaraǵandy oblysynyń «Qaraǵandy balyq tálimbaǵy» JShS (dırektory Denıs Mýshtakov) eń iri balyq sharýashylyǵy ozyp shyqty.

Іle-Alataý ulttyq parki «Úzdik ulttyq tabıǵı park», al Barsakelmes qoryǵy – «Úzdik qoryq» bolyp tanyldy.

«Ekotýrızmdi ilgeriletý boıynsha úzdik joba» nomınatsııasy Kazakh Tourism ulttyq kompanııasynyń basqarma tóraǵasy Erjan Erkinbaevqa berildi.

«Ekologııalyq mádenıetti damytýǵa jáne tabıǵattaǵy adam qaýipsizdigin arttyrýǵa qosqan úlesi» úshin «Tamyr» jabaıy tabıǵat mektebi jobasy marapat aldy.

Qazaqstandaǵy ıtbalyqtardyń qorǵaýshysy, gıdrobıologııa jáne ekologııa ınstıtýtynyń ǵylymı qyzmetkeri Ásel Baımuqanova «Ekologııalyq aǵartý mamany» nomınatsııasynda úzdik atandy.

«Erik-jigeri men murasy úshin» nomınatsııasynda Aleksandr Karpovıchtiń (qaıtys bolǵannan keıin) eńbegi aıryqsha ataldy. Aleksandr Nıkolaevıch eki qolynan aıyrylǵan qaıǵyly oqıǵaǵa qaramastan Aqmola oblysynda 12 myń aǵash otyrǵyzyp ketken. Marapat Aleksandr Nıkolaevıchtiń ulyna berildi.

«Ólketanýǵa qosqan úlesi úshin» nomınatsııasynda Baıanaýyl ulttyq parkiniń ınspektory Altynbek Qurmanov jeńimpaz atandy.

«Jabaıy janýarlarǵa qamqorlyq jasaǵany úshin» - Saıram-Ógem ulttyq parkiniń bıology Nurjan Aqylbaev marapattaldy.

Janýarlardy qorǵaý qaýymdastyǵynyń prezıdenti Lılııa Sársenova «Úı janýarlaryn qorǵaǵany úshin» nomınatsııasyn jeńip aldy. Lılııa Sársenova janýarlarǵa arnalǵan jeke úıdiń negizin qalaǵan, «Janýarlarǵa jaýapkershilikpen qaraý týraly» zań jobasyn ázirleýge qatysyp jatyr.

Aıta keteıik, saltanatty sharany uıymdastyrýshy - qoǵam belsendisi Ǵalym Baıtoq basqaratyn «Respýblıka-Óńir-Damý» qoǵamdyq qory. Orman sharýashylyǵy jáne janýarlar dúnıesin saqtaý salasyndaǵy «Elim-aı» syılyǵyn taǵaıyndaý bastamasy atalmysh qoǵamdyq qorǵa tıesili.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT