+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Eleýli nátıje bolmasa da qarajattyń kóbi fýtbol jáne hokkeı klýbtaryna jumsalýda - mınıstr

2020 jylǵy 19 qazan 13:52
Bólisińiz:
Eleýli nátıje bolmasa da qarajattyń kóbi fýtbol jáne hokkeı klýbtaryna jumsalýda - mınıstr

NUR-SULTAN. QazAqparat – Mádenıet jáne sport mınıstri Aqtoty Raıymqulova sport klýbtarynyń qarajatyn qaıta bólýdiń biryńǵaı tásilderi engiziletinin málim etti, dep habarlaıdy QazAqparat tilshisi.

«Máselen 2019-2020 jyldary elimizdiń 17 óńirinde jergilikti bıýdjetterden 252,6 mlrd teńge bólinip, eleýli nátıjelerdiń bolmaýyna qaramastan qarajattyń kóp bóligi fýtbol jáne hokkeı klýbtaryn ustaýǵa jumsaý jalǵasýda. Osylaısha, 2019 jyly jalpy 121,3 mlrd teńge bólinip, onyń ishinde fýtbolǵa 34,1 mlrd teńge (28,1%), al 2020 jyly 131,3 mlrd teńge bólinip, onyń ishinde fýtbolǵa – 37 mlrd teńge (28,2%) jumsaldy. Óz kezeginde Mádenıet jáne sport mınıstrligi barlyq respýblıkalyq oıyn federatsııalarymen (fýtbol, hokkeı, gandbol, voleıbol, basketbol, regbı, kógaldaǵy hokkeı jáne t.b.) keńes ótkizdi. Keńes barysynda joǵaryda atalǵan klýbtardyń qarajatyn qaıta bólýdiń biryńǵaı tásilderi talqylandy. Klýbtar sportshylardy ustaýǵa óz bıýdjetiniń 50%-na deıin qarajat jumsaıtyndyqtan Federatsııadan sportshylardyń jalaqysyn retteý boıynsha usynystar kelip tústi», - dedi Aqtoty Raıymqulova OKQ-da ótken baspasóz máslıhatynda.

Mınıstrdiń aıtýynsha 5 qazannan bastap Mádenıet jáne sport mınıstrligi kásiptik sport klýbtaryn ustaýǵa baǵyttalatyn qarjyny qaıta qaraý máselesi boıynsha jergilikti atqarýshy organdarmen tyńdaý ótkizilýde.

«Búgingi kúni mınıstrlik sportshylarǵa, jattyqtyrýshylarǵa jáne klýb jetekshilerine jalaqy tólemderin zańdy deńgeıde retteý bóligi boıynsha Májiliste qaralýda jatqan zań jobasyna túzetýler ázirledi. Bul másele QR Májilisiniń jumys tobynyń otyrysynda qaralyp, depýtattar tarapynan qoldaý tapty. Balalardyń sporttyq jáne shyǵarmashylyq áleýetin damytý úshin jaǵdaı jasaý maqsatynda barlyq oblysta, respýblıkalyq mańyzy bar qalada jáne astanada, iri aýdan ortalyqtarynda sport sektsııalaryn ashý jáne «balalar úıirmeleriniń» qyzmetin qalpyna keltirý boıynsha jumys júrgizilýde», - dedi ol.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT