Elena Rybakına Ýımbldon týrnıriniń tórtinshi aınalymyna shyqty
2022 jylǵy 2 shilde 22:46

Elena Rybakına Ýımbldon týrnıriniń tórtinshi aınalymyna shyqty

NUR-SULTAN. QazAqparat – Qazaqstannyń birinshi, álemniń 23-raketkasy Elena Rybakına Ýımbldon týrnıriniń tórtinshi aınalymyna shyqty, dep habarlaıdy QazAqparat tilshisi.

Ulybrıtanııa ashyq chempıonatynyń 17-raketkasy bolyp tirkelgen qazaqstandyq tennısshi úshinshi aınalymda dúnıejúzilik reıtıngte 52-orynda turǵan qytaılyq Sınven Jenmen sheberlik baıqasty.

Birinshi partııada taı-breıkte E.Rybakına sáttirek oınady – 7:6 (7:4).

Ekinshi sette esep 5:5 bolǵan mezette Elena breık jasaı aldy – 6:5. Sodan keıin matchqa dop bergende, óz múmkindigin jibergen joq – 7:5.

Eki saǵatqa jýyq ýaqytqa sozylǵan báseke barysynda Rybakına 7 eıs jasap, 4 breık-poınttyń úsheýin paıdalana bildi.

E.Rybakına «Úlken dýlyǵa» jarysynyń shırek fınalyna shyǵý úshin reıtıngte 80-satydaǵy horvatııalyq Petra Martıchpen talasady. Ol álemniń 9-raketkasy, amerıkalyq Djessıka Pegýlany utyp ketti – 6:2, 7:6 (7:5).

Eske sala keteıik, budan buryn qazaqstandyq jas tennısshiniń Ýımbldon jarysyn jeńispen bastaǵanyn , Elena Rybakınanyń US Open chempıonyn utqanyn jazǵan bolatynbyz.

Sondaı-aq qazaqstandyq jas tennısshi alǵash ret Ýımbldonda negizgi jarysqa joldama aldy .

Foto: wimbledon.com


Uqsas jańalyqtar
Seriktester jańalyqtary

Jańalyqtar

Úrdis

MURAǴAT