Elena Rybakına tuńǵysh ret Ýımbldon týrnıriniń jartylaı fınalyna shyqty
2022 jylǵy 6 shilde 20:24

Elena Rybakına tuńǵysh ret Ýımbldon týrnıriniń jartylaı fınalyna shyqty

NUR-SULTAN. QazAqparat - Qazaqstannyń birinshi, álemniń 23-raketkasy Elena Rybakına Ýımbldon týrnıriniń jartylaı fınalyna shyqty, dep habarlaıdy QazAqparat tilshisi.

Ulybrıtanııa ashyq chempıonatynyń 17-raketkasy bolyp tirkelgen qazaqstandyq tennısshi shırek fınalda dúnıejúzilik reıtıngte 44-orynda turǵan aýstralııalyq Aıla Tomlıanovıchpen kezdesti.

Birinshi partııa barysynda alǵa ketken aýstralııalyq tennısshi sol basymdylyǵyn saqtaı aldy - 6:4.

Ekinshi sette Elena Rybakına ese qaıyrdy - 6:2.

Úshinshi, sheshýshi partııada da qazaqstandyq sportshy qarsylasyna des bermedi - 6:3.

Eki saǵatqa jýyq ýaqytqa sozylǵan matchta E.Rybakına 15 eıs jasap, 9 breık-poınttyń beseýin paıdalana bildi.

Osylaısha, E.Rybakına qazaqstandyq tennısshiler arasynan alǵash ret Ýımbldon týrnıriniń jartylaı fınalyna ótt. Ol fınalǵa shyǵý úshin álemniń 18-raketkasy, «Úlken dýlyǵa» jarysynyń eki márte jeńimpazy, rýmynııalyq Sımona Haleppen talasady.

Eske sala keteıik, budan buryn Elena Rybakınanyń Ýımbldon týrnıriniń shırek fınalyna shyqqanyna qatty qýanǵanyn jazǵan bolatynbyz.


Foto: ktf.kz


Uqsas jańalyqtar

Jańalyqtar

Úrdis

MURAǴAT