Jańalyqtar  >
  Sport
Elena Rybakına álemdegi úzdik 25 tennısshiniń qataryna qaıta qosyldy
2022 jylǵy 15 tamyz 11:09

Elena Rybakına álemdegi úzdik 25 tennısshiniń qataryna qaıta qosyldy

NUR-SULTAN. QazAqparat – Qazaqstannyń birinshi raketkasy Elena Rybakına álemdegi úzdik 25 tennısshiniń qataryna qaıta kirdi, dep habarlaıdy QazAqparat tilshisi.

Qazaqstan tennıs federatsııasynan málim etkendeı, Áıelder tennısi qaýymdastyǵy (WTA) jarııalaǵan reıtıngide Elena Rybakına 27-den 25-orynǵa kóterildi.

Toronto týrnıriniń shırek fınalyna deıin jetken ıÝlııa Pýtıntseva 46-dan birden 38-ge joǵarylady.

Zarına Dııas 244-ten 241-ge, Gózal Aınıtdınova 587-den 584-orynǵa shyqty.

Juptyq synda Anna Danılına 21-ornynda qalsa, Jibek Qulambaeva 258-satyda.

Erler arasynda Kásibı tennısshiler qaýymdastyǵy (ATP) reıtıngisinde Qazaqstannyń birinshi raketkasy Aleksandr Býblık 41-den 42-ge, Dmıtrıı Popko 189-dan 219-ǵa tómendedi. Esesine Mıhaıl Kýkýshkın 222-den 213-ke jaıǵasyp, qaıtadan Qazaqstannyń ekinshi raketkasy atandy.

Juptyq synda Andreı Golýbev 44-ten 47-ge syrǵysa, Aleksandr Nedovesov 57-den 54-ke kóterildi.

Eske sala keteıik, budan buryn qazaqstandyq jas tennısshilerdiń halyqaralyq jarystardyń chempıony atanǵanyn jazǵan bolatynbyz.

Sondaı-aq, Anna Danılına AQSh-taǵy týrnırdiń chempıony atandy.


Foto: sports.kz



Uqsas jańalyqtar
Seriktester jańalyqtary

Jańalyqtar

Úrdis

MURAǴAT