Elektrondy densaýlyq pasportyndaǵy málimetter qalaı qorǵalady

NUR-SULTAN. QazAqparat- Densaýlyq saqtaý vıtse-mınıstri Oljas Ábishev patsıent qupııasy kıbershabýyl men hakerlerden qalaı qorǵalatynyn aıtty, dep habarlaıdy QazAqparat tilshisi.

Uqsas jańalyqtar

Emhanaǵa jeke kýálik pen telefon ǵana apardym - Oljas Ábishev

Qazaqstanda elektrondy densaýlyq pasporty iske qosyldy

«Aqparattyq qaýipsizdikke keler bolsaq, tsıfrlandyrý júıesi qolǵa alynbaı turyp qaǵaz túrindegi ambýlatorııalyq kartalar men jazbalar bolǵan. Ol kezde medıtsınalyq málimettiń qupııa saqtalatyny týraly eshkim kepildik bergen joq»,- deıdi vıtse-mınıstr.

Ol tsıfrlandyrý júıesi qolǵa alynǵanǵa deıin kez kelgen eden jýýshy, tehnıkalyq qyzmetker naýqas týraly kez kelgen málimetti kórip, dáriger jazbasymen tanysyp, tipti sýretke túsirip alý múmkindigi bolǵanyn aıtty.

«Al tsıfrlandyrý deńgeıinde bizde qaýipsizdik boıynsha 99,6% altyn standart saqtalady. Sondaı-aq, biz Densaýlyq saqtaý mınıstrligi Ulttyq qaýipsizdik komıtetimen birigip, patsıent qaýipsizdigin qamtamasyz etemiz. Aı saıyn aqparattyq qaýipsizdik boıynsha ózimizdiń ishki qurylymda da, syrtqy qurylymda da tekserý júrgizemiz»,- deıdi Oljas Ábishev.

Eske sala ketsek, buǵan deıin elimizde elektrondyq densaýlyq pasporty engizilgenin jazǵan bolatynbyz.

Avtor: Zarına Qaharman