Elektr jaryǵy Qazaqstanmen qatar, Ózbekstanda jáne Qyrǵyzstanda óshti
2022 jylǵy 25 qańtar 14:59

Elektr jaryǵy Qazaqstanmen qatar, Ózbekstanda jáne Qyrǵyzstanda óshti

BІShKEK. KABAR-QazAqparat – Qyrǵyzstan prezıdentiniń baspasóz hatshysy Erbol Sýltanbaev Ortalyq Azııa elderinde bolǵan elektr energııasynyń óshýine baılanysty apat sebebi anyqtalyp jatqanyn málim etti. Bul týraly QazAqparat «Kabar» agenttigine silteme jasap habarlaıdy.

«Qazirgi ýaqytta Qyrǵyzstannyń barlyq óńirinde elektr energııasyna kezeń-kezeńimen qosý júrip jatyr. Taıaý ýaqytta eldiń energojúıesi qalpyna keltiriledi», - dedi ol.

«Kabar» agenttigine atalmysh eldiń Ulttyq energııa holdınginen málim etkendeı, búgin kúndiz Qazaqstan, Qyrǵyzstan jáne Ózbekstan elderinde jaryqtyń kenetten óshýine Ortalyq Azııa Birlesken energojelisindegi elderdiń birinde bolǵan apat sebep.

Al Ózbekstannyń Energetıka mınıstrliginiń aqparatyna sáıkes, Tashkent JES pen Syrdarııa JES Ortalyq Azııa Biriktirilgen elektr jelisine qosylǵanyna baılanysty apat saldarynan eki stansa jumysy da avtomatty túrde toqtap qalǵan.

«Búgin saǵat 10:57-de Ortalyq Azııa Biriktirilgen elektr jelisindegi iri apat saldarynan Almaty, Shymkent, Taraz, Túrkistan (oblysy) jáne Qazaqstanǵa jaqyn mańdaǵy aýdandarda elektr energııasy óshti.

Apat saldarynan Qyrǵyzstannyń energojúıesinde, sonyń ishinde Bishkek, Osh jáne Jalal-Abadta irkilis baıqaldy.

Tashkent JES pen Syrdarııa JES Ortalyq Azııa Biriktirilgen elektr jelisine qosylǵanyna baılanysty apat saldarynan eki stansa jumysy da avtomatty túrde toqtap qaldy.

Bul, óz kezeginde Talımarjan jáne Týraqorǵan JES-ta jumystyń toqtalýyna ákelip soqtyrdy.

Sonyń saldarynan Ózbekstannyń Ferǵana jáne Tashkent oblystarynda, Ferǵana ańǵary, Syrdarııa, Jızaq, Samarqan, Buhara, Qarqardarııa oblystary elektr energııasyz qaldy.

Qazirgi kezde kórshiles memlekettik jelilerden ajyraý protsesi júrgizilip, árbir JES-tyń jeke qosylýy, jelilerdi brtindep qosý jumystary jurgizilýde.

Apat týraly qosymsha aqparat erteń usynylatyn bolady», - delingen Ózbekstan Respýblıkasy Energetıka mınıstrliginiń habarlamasynda.

Eske salaıyq, buǵan deıin Qazaqstannyń ońtústik óńirlerinde elektr jaryǵy óshkenin jazǵan bolatynbyz. «KEGOC» kompanııasy buǵan qatysty málimet berdi.

Almatyda energııa túski saǵat 12:00 shamasynda sóndi. Qazir kóshelerde baǵdarshamdar jumys istemeı tur, joldarda keptelis paıda boldy. Degenmen, qalada aýrýhanalar jaryqtan ajyratylmaǵan.

Elektr qýatyna qatysty irkilis Qyzylordada oblysynda da týyndady.


Jańalyqtar

MURAǴAT