Elektr energııasyn óndirýge arnalǵan shekti tarıfter deńgeıiniń saqtalýyn qamtamasyz etý qajet - Aqsholaqov
2022 jylǵy 18 qańtar 11:10

Elektr energııasyn óndirýge arnalǵan shekti tarıfter deńgeıiniń saqtalýyn qamtamasyz etý qajet - Aqsholaqov

NUR-SULTAN. QazAqparat – Energııa óndirýshi uıymdardyń elektr energııasyn óndirýge arnalǵan shekti tarıfteri deńgeıiniń saqtalýyn qamtamasyz etý qajet. Bul týraly búgin Úkimet otyrysynda QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Memleket basshysynyń kommýnaldyq qyzmetter baǵasynyń ósýine moratorıı engizý jónindegi tapsyrmasyn oryndaý maqsatynda energııa óndirýshi uıymdardyń elektr energııasyn óndirýge arnalǵan shekti tarıfteri deńgeıiniń saqtalýyn qamtamasyz etý qajet. Óz kezeginde, stansa shyǵyndarynyń 50 paıyzdan astamy otyndy – gazdy, kómirdi satyp alýǵa jáne olardy tasymaldaý qyzmetterine, onyń ishinde temirjol arqyly tasymaldaý qyzmetterine jumsalady», - dedi mınıstr.

Onyń atap ótýinshe, shekti tarıfterdiń deńgeılerin saqtaý úshin otyn jáne olardy tasymaldaý baǵalarynyń saqtalýyn qamtamasyz etý qajet.

«Bul is-sharalar kelesi kúzgi-qysqy kezeń úshin jóndeý naýqandarynyń turaqty ótýin qamtamasyz etýge múmkindik beredi», - dedi Bolat Aqsholaqov.


Jańalyqtar

MURAǴAT