Elektr energııasy naryǵyndaǵy kemshilikter belgili boldy
2022 jylǵy 29 naýryz 14:08

Elektr energııasy naryǵyndaǵy kemshilikter belgili boldy

NUR-SULTAN. QazAqparat – QR Básekelestikti qorǵaý jáne damytý agenttigi tóraǵasynyń birinshi orynbasary Rýstam Ahmetov elektr energııasynyń kóterme jáne bólshek saýda naryqtaryna qatysty túsinik berdi, dep habarlaıdy QazAqparat tilshisi.

«Sońǵy úsh jylda elektr energııasyn óndirý 7% ósti. Ósimniń oń serpini jańa qýattardy qurmaı jumys istep turǵan qýattardy jańǵyrtý esebinen qalyptasty. Bul rette, óndiris kóleminiń ulǵaıýy memleket qatysatyn stantsııalardy jańǵyrtýdan keıin oryn aldy jáne tıisinshe, negizgi ınvestor memleket bolyp otyr», - dedi R. Ahmetov Ortalyq kommýnıkatsııalar qyzmetinde.

Onyń paıymynsha, baǵany retteý jaǵdaıynda naryqtyń damýy, jańa dástúrli stantsııalardyń paıda bolýy, jeke ınvestıtsııalardyń aǵyny bolmaıdy.

«Bul naryqty qaıta retteý, naryqtyq baǵa belgileýge kezeń-kezeńimen kóshý jáne kóterme ári bólshek býyndy monopolııasyzdandyrý jaǵdaıynda jeke ınvestıtsııalardy tartýǵa baǵyttalǵan elektr energııasyn óndirý naryǵyn damytýdyń uzaq merzimdi strategııasyn ázirleý men iske asyrýdy talap etedi. 90-jyldary bastalǵan naryqty yryqtandyrý aıaqtalǵan joq. Elektr energııasyn óndirý naryǵy joǵary shoǵyrlanǵan kúıinde qalyp otyr. Naryqtyń negizgi 4 qatysýshysynyń úlesi – «Samuryq – Energo» AQ, «OAEK» AQ, «ERG» AO, «QKJ» JShS – 69% quraıdy jáne olar tik ıntegratsııa formatynda jumys isteıdi», - dedi agenttik ókili.

Onyń sózine qaraǵanda, stantsııa resýrstaryna jáne elektr energııasyn berý qyzmetterine qoljetimdilikti shekteı otyryp, atalǵan toptar óńirlik bólshek saýda naryqtaryn tolyǵymen japty. Olar bir-birimen básekelespeıdi. Sonymen qatar, olar tutynýshylarǵa shyǵyn keltire otyryp, óz stantsııalarynan qymbat energııa alady. Naryqtyń 99%-y tikeleı sharttar boıynsha jumys isteıdi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT