Eldiń ońtústiginde jaryqtyń óshýine tsıfrlyq maınıngtiń qatysy joq - «KEGOC»
2022 jylǵy 28 qańtar 12:44

Eldiń ońtústiginde jaryqtyń óshýine tsıfrlyq maınıngtiń qatysy joq - «KEGOC»

NUR-SULTAN. QazAqparat - Elimizdiń ońtústiginde elektr energııasynyń ajyraýyna tsıfrlyq maınıngtiń qatysy joq. Bul týraly «KEGOC» kompanııasynan málim etti, dep habarlaıdy QazAqparat tilshisi.

Búgin «KEGOC» kompanııasy 25 qańtarda Qazaqstannyń ońtústik óńirlerinde elektr jaryǵynyń óshý sebebin anyqtaý boıynsha komıssııa qorytyndysyn jarııalady.

«Apattyń tsıfrlyq maınıngti tutynýshylardyń qyzmetimen baılanysty emes ekendigin aıta ketken jón. Tsıfrlyq maınıngti júzege asyratyn tutynýshylarǵa elektr energııasyn jetkizýdiń bolmaýyna qatysty QR Birtutas elektr energetıkalyq júıesinde elektr energııasynyń tapshylyǵy kezdesetin jaǵdaı saqtalyp otyrǵandyǵyn habarlaımyz», - delingen kompanııa aqparatynda.

Taratylǵan málimetke qaraǵanda, tapshylyqtyń paıda bolýynyń negizgi faktorlary elektr stantsııalaryndaǵy joǵary avarııalylyq jáne ótken jyly 6 paıyzdan asyp ketken elektr energııasyn tutynýdyń aıtarlyqtaı ósýi bolyp otyr.

«Bul sońǵy jyldardaǵy kórsetkishterden 3 ese artyq. Salystyratyn bolsaq, 2020 jyly elektr energııasyn tutynýdyń ósimi – 2, 2019 jyly 1,9 paıyzdy qurady. Elektr energııasynyń tapshylyǵy jaǵdaıynda, halyqty jáne el ekonomıkasyn úzdiksiz elektrmen jabdyqtaýdy qamtamasyz etý maqsatynda «KEGOC» AQ elektr stantsııalarymen jáne energııamen jabdyqtaýshy uıymdarmen birlesip, Qazaqstan Respýblıkasynyń qoldanystaǵy normatıvtik quqyqtyq aktileriniń talaptaryna sáıkes maınıngtik data-ortalyqtarǵa elektr energııasyn josparly jetkizýdi tómendetý boıynsha sharalar qabyldady», - dep atap ótedi «KEGOC» kompanııasy.

Eske salaıyq, 25 qańtarda (Nur-Sultan ýaqytymen) Ortalyq Azııa (Ózbekstan, Qyrǵyzstan) energııa júıesinde týyndaǵan aqaý saldarynan «Soltústik-Shyǵys-Qazaqstannyń ońtústigi» 500 kV elektr energııasy tranzıtine arnalǵan qýattyń tómendeýi oryn aldy.

Sonyń saldarynan Almatynyń birneshe aýdanynda elektr energııasy óship qaldy. Sondaı-aq Qyzylorda oblysynda elektr energııasyna baılanysty irkilis boldy.

Budan bólek, áleýmettik jelilerde jaryq Jambyl jáne Túrkistan oblystarynda da óshkeni týraly jazyldy.

Elektr energııasy Qazaqstanmen qatar, Ózbekstanda jáne Qyrǵyzstan elderinde de óshti.

Osy oqıǵa baılanysty QR Energetıka mınıstrligi elektr energııasyn óshirý sebepterin tekserý boıynsha arnaıy komıssııa qurdy.



Jańalyqtar

MURAǴAT