+7 (701) 759 90 19
USD 378.36 EUR 411.92
RUB 5.76 CNY 53.92
Jańalyqtar

Eldik múddege qatysty árbir isimizde Abaı eńbekterine júginýimiz kerek - Prezıdent

2020 jylǵy 15 qańtar 12:27
Bólisińiz:
Eldik múddege qatysty árbir isimizde Abaı eńbekterine júginýimiz kerek - Prezıdent

NUR-SULTAN. QazAqparat - Biz eldi, ultty Abaısha súıýdi úırenýimiz kerek. Bul týraly Aqordada Prezıdenttiń kadr rezervine kirgen jastarmen kezdesýde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Túsine bilgen adamǵa týǵan jer, Otan, egemen el uǵymdarynyń orny bólek. Otanǵa degen súıispenshiliktiń ozyq úlgisin uly Abaı kórsetti. Bıyl ǵulama oıshyldyń týǵanyna 175 jyl tolady. Ol elimizdiń tarıhynda jáne álem tarıhynda óshpes iz qaldyrdy. Onyń ǵıbratty ǵumyry men mol murasy - búkil halqymyzǵa úlgi-ónege. Abaıdyń ósıeti - óskeleń urpaqtyń aınymas temirqazyǵy. Biz eldi, ultty Abaısha súıýdi úırenýimiz kerek. Uly aqyn ultynyń kemshiligin qatty synasa da tek bir ǵana oıdy - qazaǵyn, halqyn tórge jeteleýdi maqsat tutty. Uly oıshyl jastarymyzdy bilim men ǵylym ıgerýge, óner men til úırenýge, adal eńbek etýge shaqyrdy», - dedi Qazaqstan Prezıdenti.

Memleket basshysy Abaıdyń «tolyq adam» tujyrymy ómirimizdiń kez kelgen salasynda, memleketti basqarý men bilim júıesinde, bıznes pen otbasy ınstıtýttarynda negizgi tuǵyrǵa aınalýy kerektigin basa aıtty.

«Munyń bári ıntellektýaldy ult qalyptastyrý úshin qajet. Abaıdy óz zamanyndaǵy iskerliktiń uıytqysy deýge bolady. Biz eldik múddege qatysty árbir isimizde uly aqynnyń eńbekterine júginýimiz kerek. Bul - jańǵyrý jolyndaǵy asa mańyzdy qadam. Halqymyz, ásirese jas býyn Abaıdyń sara jolyn jalǵaýǵa basa mán berýi tıis. Men «Abaı jáne HHІ ǵasyrdaǵy Qazaqstan» atty maqalamda osy máselelerge erekshe nazar aýdardym. Biz eldik pen egemendiktiń qadirin baǵalaı bilýimiz kerek. Jastar árdaıym ulttyq qundylyqtardy kózdiń qarashyǵyndaı saqtap, dáripteı bilýi tıis. Bul - ózderińizge júktelgen mártebeli mıssııa dep bilińizder»,- dedi Qasym-Jomart Toqaev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT