Jańalyqtar  >

Eldegi ortasha jyldyq jaýyn-shashyn mólsheri tómendep barady

2022 jylǵy 30 qarasha, 01:55
Eldegi ortasha jyldyq jaýyn-shashyn mólsheri tómendep barady

ASTANA. QazAqparat – 1940 jyldan bastap ár onjyldyqta Qazaqstandaǵy ortasha jyldyq temperatýra 0,28 gradýsqa kóterilip otyr.

Bul týraly qolaıly klımattyq jaǵdaı qalyptastyrýǵa baǵyttalǵan Qazaqstannyń 2060 jylǵa deıin kómirtegi beıtaraptyǵyna qol jetkizý strategııasynnyń qujatynda kórsetilgen, dep habarlaıdy QazAqparat tilshisi.

«HH ǵasyrdyń ortasynan bastap Qazaqstan klımattyq ózgeristerdiń teris saldaryna ushyraýda. 1940 jyldan bastap ár onjyldyqta eldegi ortasha jyldyq temperatýra 0,28°C-qa ulǵaıyp keledi. Joǵary ósý ásirese kúzgi kezeńde (0,31°C) baıqalady. Sonymen qatar 10 jyl ishinde ortasha jyldyq jaýyn-shashynnyń 0,2 mıllımetrge asa aıtarlyqtaı tómendeýi baıqalady», - dep jazylǵan qujatta.

Elimizde kómirqyshqyl gazynyń qaldyqtary aýaǵa 2018 jyly kóp bólingen. Atap aıtqanda, zııandy shyǵaryndylar 1990 jylǵy kórsetkishpen salystyrǵanda 5,2 paıyzǵa asyp túsken.

Osy máselelerdiń sheshimi retinde el Úkimeti 2060 jylǵa deıin kómirtegi beıtaraptyǵyna qol jetkizý strategııasyn bekitpek. Sonyń negizinde Qazaqstan 2030 jylǵa qaraı parnıktik gaz qaldyqtaryn 15 paıyzǵa tómendetpek.


Uqsas jańalyqtar
Tegı:
Seriktester jańalyqtary

Jańalyqtar