+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Eldegi oq-dári qoımalary túgel tekserýden ótedi

2021 jylǵy 2 qyrkúıek 19:00
Bólisińiz:
Eldegi oq-dári qoımalary túgel tekserýden ótedi

NUR-SULTAN. QazAqparat – Jambyl oblysynyń Baızaq aýdanyndaǵy jarylys qaıtalanbaý úshin eldegi barlyq oq-dári qoımalaryn arnaıy komıssııa tekseredi. Bul týraly «QazAqparat» halyqaralyq aqparat agenttigine QR Qorǵanys mınıstriniń orynbasary Rýslan Shpekbaev aıtty.

«Jambyl oblysy Baızaq aýdanynda bolǵan oqıǵadan keıin Qazaqstan Qarýly Kúshterindegi oq-dárilerdiń barlyq qoımalaryn Qorǵanys mınıstrligi Bas ınspektsııasynyń bastyǵy general-leıtenant Ámir Halyqov basshylyq etetin komıssııa tekseredi», - dedi mınıstrdiń orynbasary.

Sondaı-aq, qoldanystaǵy áskerı qoımalar men oq-dári bazalarynyń qaýipsizdigin kúsheıtý úshin qosymsha sharalar qabyldanatynyn atady.

«Oq-dárilerdi saqtaý obektilerin jarylys tolqynynyń áserinen tejeý úshin qorǵanys úıindilerimen, ıaǵnı, tóbelermen josparly jabdyqtaý júrgiziledi. Jylda kún kúrkirep, naızaǵaı oınaıtyn kezeńniń basynda garnızondardyń aýdandyq paıdalaný bólimderiniń mamandary naızaǵaıdan qorǵaý qurylǵylaryn tekseredi. Qurylǵylar aqaýy anyqtalǵan jaǵdaıda ýaqtyly jóndeledi.

Oq-dárileri bar obektiler muqııat kúzetiledi. Qorshaý boıyndaǵy aýmaqtyń kúzetiletin aýmaǵy tehnıkalyq kúzet quraldarymen jabdyqtalady. Syrtqy qorshaýdyń aýmaǵy jáne aınalasy ósimdikterden tazartylady», - deıdi Rýslan Shpekbaev.

Onyń aıtýynsha, Baızaq aýdanyndaǵy jarylys kezinde oq-dári qaldyqtary áskerı bólimniń soltústigine qaraı 200 metrge, ońtústik baǵytta 400 metrge ushqan.

«Batys jáne shyǵys baǵyttarǵa qaraı ushqan bólshekter tabylǵan joq. Qazir jarylys saldaryn joıý úshin 200-den astam áskerı qyzmetshi, onyń ishinde 80-nen astam saper jumys istep jatyr», - dedi mınıstrdiń orynbasary.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT