Eldegi qylmyskerlerdiń 80 paıyzy jumyssyz
2022 jylǵy 27 mamyr 11:58

Eldegi qylmyskerlerdiń 80 paıyzy jumyssyz

NUR-SULTAN. QazAqparat - Osy jyldyń qańtar-sáýir aılarynda elimizde 20 myń adam qylmystyq quqyqbuzýshylyq jasady, bul bir jyl burynǵyǵa qaraǵanda 1,9%-ǵa az, dep habarlaıdy QazAqparat finprom.kz saıtyna silteme jasap.

Onyń ishinde 3,8 myń adam qylmys jasasa, 7,2 myń adam – ortasha aýyr qylmys, 5,4 myń adam – aýyr qylmys, 3,1 myń adam – jeńil qylmys, 459 adam asa aýyr qylmys jasaǵan.

Salystyratyn bolsaq, 2020 jyldyń osy kezeńinde qylmystyq quqyq buzǵan 20,4 myń adam ustaldy.

Óńirlik bóliniste qylmyskerlerdiń basym bóligi Almaty oblysynda turady: 2,4 myń adam – bir jyl burynǵyǵa qaraǵanda 0,5%-ǵa az. Antılıderlerdiń úshtigine Almaty (2,3 myń adam, mınýs 5,8%) jáne Astana (1,7 myń adam, plıýs 8,5%) qalalary kiredi.

Qylmyskerlerdiń eń azy Qyzylorda oblysynda tirkelgen: 436 adam, bir jyl buryn 466 adam bolǵan.

Qylmyskerler sanynyń ósýi boıynsha Soltústik Qazaqstan oblysy (10,9%-ǵa, 801 adamǵa deıin), qysqarýy boıynysha Jambyl oblysy (15,2%-ǵa, 832 adamǵa deıin) alda keledi.

Qylmyskerlerdiń 79,2% nemese 15,8 myńy – jumyssyzdar. Olardyń sany bir jylda 3,3%-ǵa qysqardy. Taǵy 1,4 myń tártip buzýshy jumysshy, 381 adam - memlekettik qyzmetker, 339 adam — bilim alýshy, 261 adam jeke kásipker boldy.


Uqsas jańalyqtar
Avtor:
Tilshi

Jańalyqtar

MURAǴAT